តម្លៃប្រេងធ្លាក់ចុះជាង ៥% នៅថ្ងៃពុធនេះ បន្ទាប់ពីលេចចេញផែនការ បទឈប់បាញ់១៥ចំណុច ដែលអាមេរិកផ្ញើទៅអ៊ីរ៉ង់ ដើម្បីបញ្ចប់សង្គ្រាម
បរទេស៖ តម្លៃប្រេងបានធ្លាក់ចុះជាង ៥% នៅថ្ងៃពុធ ដោយសារតែការរំពឹង ទុកនៃបទឈប់បាញ់ដែលអាចកើតមាន ដែលបន្ធូរបន្ថយការរំខានដល់ការផ្គត់ផ្គង់ ពីតំបន់ផលិតប្រេងដ៏ សំខាន់នៅមជ្ឈិមបូព៌ា បន្ទាប់ពីមានរបាយការណ៍ថា សហរដ្ឋអាមេរិកបានផ្ញើផែនការ ១៥ ចំណុចទៅអ៊ីរ៉ង់ ដើម្បីបញ្ចប់សង្គ្រាម។
យោងតាមសារព័ត៌មាន The Economic Times ចេញផ្សាយនៅថ្ងៃទី២៥ ខែមីនា ឆ្នាំ២០២៦ថា ប្រេង Brent បានធ្លាក់ចុះ ៦,២១ ដុល្លារ ឬ ៥,៩% មកនៅត្រឹម ៩៨,២៨ ដុល្លារក្នុងមួយបារ៉ែល បន្ទាប់ពីធ្លាក់ចុះដល់កម្រិតទាបបំផុតគឺ ៩៧,៥៧ ដុល្លារ។ ប្រេងឆៅ West Texas Intermediate (WTI) របស់សហរដ្ឋអាមេរិក បានធ្លាក់ចុះ ៤,៦៧ ដុល្លារ ឬ ៥,១% មកនៅត្រឹម ៨៧,៦៨ ដុល្លារក្នុងមួយបារ៉ែល បន្ទាប់ពីធ្លាក់ចុះដល់កម្រិតទាបបំផុតគឺ ៨៦,៧២ ដុល្លារ។
ស្តង់ដារទាំងពីរបានកើនឡើងជិត ៥% កាលពីថ្ងៃអង្គារ មុនពេលកាត់បន្ថយការកើនឡើង នៅក្នុងការជួញដូរក្រោយ ការទូទាត់ដែលមានភាពប្រែប្រួល។
លោក Hiroyuki Kikukawa ប្រធានយុទ្ធសាស្ត្រ នៃក្រុមហ៊ុន Nissan Securities Investment ដែលជាអង្គភាពមួយរបស់ Nissan Securities បាននិយាយថា “ការរំពឹងទុក នៃបទឈប់បាញ់បានកើនឡើងបន្តិច ហើយការរកប្រាក់ចំណេញ កំពុងនាំមុខគេក្នុងទីផ្សារ”៕
ប្រែសម្រួលៈ ណៃ តុលា
