ភ្នំពេញ៖ ក្នុងពិធីអបអរសាទរទិវា «វប្បធម៌ជាតិ ៣មីនា» លើកទី២២និងសំណេះសំណាល ពិសាបាយសាមគ្គី ជាមួយសិល្បករសិល្បការិនី នៅល្ងាចថ្ងៃទី៣ ខែមីនា ឆ្នាំ២០២០នេះ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអង្វរករ ដល់សិល្បការិនីទាំងអស់ កុំឲ្យស្លៀកពាក់សិចស៊ី ហួសហេតុ រហូតដល់បង្ហាញកេរខ្មាស់ ធ្វើឲ្យខូចតម្លៃស្រ្តីខ្មែរ។ បន្ថែមពីនេះសម្ដេចតេជោ ហ៊ុន សែន ក៏បានសំណូមពរឲ្យ អ្នកសិល្បៈទាំងអស់បញ្ឈប់ ការជេរបញ្ចោរគ្នា តាមរយៈបណ្ដាញសង្គមនានា ។