ភ្នំពេញ៖ ក្រុមសិល្បករជនជាតិភាគតិច នៃប្រទេសចិន នាល្ងាចថ្ងៃសៅរ៍ ទី២៧ ខែឧសភា ឆ្នាំ២០២៣ បានមកចូលរួមសម្តែងសិល្បៈវប្បធម៌ចិន ដើម្បីអបអរសារទរខួបទី៦៥ឆ្នាំ នៃទំនាក់ទំនងការទូត រវាងព្រះរាជាណាចក្រកម្ពុជា និងសាធារណៈរដ្ឋប្រជាមានិតចិន នាមហោស្រពចេនឡា។
លោក វ៉ាង វិនធៀន ឯកអគ្គរដ្ឋទូតវិសាមញ្ញ និងពេញសមត្ថភាព សាធារណៈរដ្ឋប្រជាមានិតចិន បានសម្តែងនូវក្តីរីករាយចំពោះមិត្តភាពដ៏រឹងមាំ រវាងប្រទេសទាំង២ និងសូមពរ ឱ្យមិត្តភាពដែកថែបនេះ ស្ថិតស្ថេរជានិច្ចនិរន្តរ៍។
លោកស្រី ភឿង សក្កណា រដ្ឋមន្រ្តីក្រសួងវប្បធម៌និងវិចិត្រសិល្បៈ ក៏សម្តែងក្តីអបអរសាទរ ចំពោះមិត្តភាព រវាងប្រទេសទាំង២ ហើយចាត់ទុកការសម្តែងសិល្បៈនោះ ថាជាបង្ហាញឱ្យឃើញកាន់តែជិតស្នីទរវាងប្រជាជននិងប្រជាជនថែមទៀតផងដែរ។
លោក សយ សុភា និពន្ធនាយកនៃមជ្ឈមណ្ឌលព័ត៌មានដើមអម្ពិល ដែលចូលរួមក្នុងមហោស្រពសិល្បៈនោះផងដែរ បានសម្តែងអារម្មណ៍រីករាយ កាលបើបានមកទស្សនាដោយផ្ទាល់ នូវការសម្តែងប្រកបដោយទេពកោសល្យខ្ពស់ របស់សិល្បករសិល្បការិនី នៃជនជាតិភាគតិចចិន ដែលពីមនោសញ្ចេតនា រាប់អានដ៏ជ្រាលជ្រៅនៃមិត្តចិន ចំពោះកម្ពុជាជាមិត្ត។
លោក ក៏សូមជូនពរដល់ទំនាក់ទំនង ការទូតរវាងប្រទេសទាំងពីរ កាន់តែរឹងមាំ និងស៊ីជម្រៅថែមទៀត ទាំងក្របខណ្ឌទ្វេភាគី និងពហុភាគី លើឆាកអន្តរជាតិ ព្រមខណ្ឌគំនិតផ្តួចផ្តើមខ្សែក្រវ៉ាត់ផ្លូវ៕
