បរទេស៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន ប្រកាសពី “ប្រតិបត្តិការយោធា” នៅក្នុងតំបន់ Donbas របស់អ៊ុយក្រែន ហើយលោក ពូទីន ក៏បានជំរុញឱ្យទាហានអ៊ុយក្រែន នៅតំបន់ប្រយុទ្ធ នៅភាគខាងកើតអ៊ុយក្រែន ទម្លាក់អាវុធ ចុះ ហើយត្រឡប់ទៅផ្ទះវិញផងដែរ។
យោងតាមសារព័ត៌មាន BBC ចេញផ្សាយនៅថ្ងៃទី២៤ ខែកុម្ភៈ ឆ្នាំ២០២២ បានឱ្យដឹងថា ប្រធានាធិបតីអ៊ុយក្រែនលោក Volodymyr Zelensky និយាយថា ការឈ្លានពាន “អាចជាការចាប់ផ្តើមនៃសង្រ្គាម ដ៏ធំមួយនៅលើទ្វីបអឺរ៉ុប”។
លោកពូទីនក៏និយាយផងដែរថា “យុត្តិធម៌និងការពិត” គឺនៅខាងរុស្ស៊ីដោយព្រមានថា ការឆ្លើយតបរបស់ទីក្រុងម៉ូស្គូនឹង “ភ្លាមៗ” ប្រសិនបើអ្នកណាម្នាក់ព្យាយាម ដណ្តើមយករុស្ស៊ី៕
ប្រែសម្រួលៈ ណៃ តុលា
