ម៉ូស្គូ៖ ជម្លោះរុស្ស៊ី-អ៊ុយក្រែន នៅតែបន្តតានតឹង គិតត្រឹមថ្ងៃព្រហស្បតិ៍នេះ ខណៈដែលភាគីពាក់ព័ន្ធកំពុងធ្វើការ ដើម្បីរកដំណោះស្រាយដោយសន្តិវិធី ខាងក្រោមនេះជាការវិវត្តន៍ ចុងក្រោយ នៃស្ថានការណ៍៖
ប្រធានាធិបតីរុស្ស៊ី លោក វ្ល៉ាឌីមៀ ពូទីន បានសន្ទនាតាមទូរស័ព្ទជាមួយ នាយករដ្ឋមន្ត្រីអ៊ីស្រាអែល Naftali Bennett កាលពីថ្ងៃពុធ ដើម្បីពិភាក្សាអំពីស្ថានភាពអ៊ុយក្រែន។
វិមានក្រឹមឡាំងបានឲ្យដឹង នៅក្នុងសេចក្តីថ្លែងការណ៍ខ្លីមួយថា លោក Bennett បានសម្តែងការវាយតម្លៃរបស់លោក អំពីស្ថានភាពទាក់ទងនឹងអ៊ុយក្រែន និងដំណើរការចរចា ដែលកំពុងបន្តរវាងគណៈប្រតិភូរុស្ស៊ី និងអ៊ុយក្រែន។
លោកពូទីន បានចែករំលែកទស្សនៈរបស់ លោកលើកិច្ចចរចាសន្តិភាពម៉ូស្គូ-គៀវ និងការអភិវឌ្ឍន៍ប្រតិបត្តិការយោធា ពិសេសរបស់រុស្ស៊ី នៅអ៊ុយក្រែន។
នៅព្រឹកថ្ងៃដដែល លោកពូទីន បានសន្ទនាតាមទូរស័ព្ទ ជាមួយអធិការបតីអាល្លឺម៉ង់ Olaf Scholz ដើម្បីពិភាក្សាអំពីបញ្ហាដូចគ្នានេះ ៕
ប្រែសម្រួល ឈូក បូរ៉ា
