គៀវ ៖ នាយករដ្ឋមន្ត្រីអ៊ុយក្រែន លោក Denys Shmyhal បានឲ្យដឹងថា ប្រទេសអ៊ុយក្រែន បានផ្តល់ប្រាក់រាប់ពាន់លានដុល្លារដល់ក្រសួងការពារជាតិ ចំពេលមានជម្លោះដែលកំពុងបន្តជាមួយរុស្ស៊ី ។
លោក Shmyhal បានឲ្យដឹងនៅលើបណ្ដាញ Telegram ថារដ្ឋាភិបាលអ៊ុយក្រែន បានបែងចែក ទឹកប្រាក់ប្រហែល ៤ពាន់លានដុល្លារ សម្រាប់ក្រសួង ដោយលើកឡើងថា “យើងកំពុងព្យាយាម ផ្តល់ការគាំទ្រ ជាអតិបរមា ដល់អ្នកប្រយុទ្ធរបស់ យើង”។
លោក Shmyhal បាន លើកឡើងថា មូលនិធិនឹងត្រូវ ប្រើដើម្បី បើកប្រាក់ខែ ដល់ទាហាន អ៊ុយក្រែន និងផ្គត់ផ្គង់ពួកគេ ជាមួយនឹងឧបករណ៍ ប្រេងឥន្ធនៈ អាហារ ឧបករណ៍ ការពារ និងអាវុធ ៕
