បរ ទេស ៖ តម្លៃប្រេងសាំង លក់រាយនៅសហរដ្ឋអាមេរិក បានឡើងដល់កម្រិតខ្ពស់បំផុត គ្រប់ពេលសម្រាប់ការចាប់ផ្តើម នៃរដូវក្តៅរបស់អាមេរិក ដែលជាថ្ងៃឈប់ សម្រាកនៃបុណ្យ Memorial Day ចុងសប្តាហ៍ ។
យោងតាមសារព័ត៌មាន RT ចេញផ្សាយនៅថ្ងៃទី២៧ ខែឧសភា ឆ្នាំ២០២២ បានឱ្យដឹងថា តម្លៃសាំងធម្មតាកើនដល់ 4,60 ដុល្លារ ក្នុងមួយ ហ្គាឡុង (១ហ្គាឡុង ស្មើនឹងជាង ៣,៧លីត្រ) កាលពីថ្ងៃព្រហស្បតិ៍ នេះបើយោងតាមទិន្នន័យពីក្លឹបម៉ូតូ AAA ។ តម្លៃប្រេងគោលរបស់សហរដ្ឋអាមេរិកបានកើនឡើង 51% កាលពីឆ្នាំមុន និងច្រើនជាង 90% ចាប់តាំងពីប្រធានាធិបតី Joe Biden ចូលកាន់តំណែង ក្នុងខែមករា ឆ្នាំ 2021។
អ្នកបើកបរកំពុងមានអារម្មណ៍ថា តម្លៃធ្លាក់ចុះកាន់តែធ្ងន់ធ្ងរ នៅក្នុងរដ្ឋមួយចំនួន ដែលមានតម្លៃថ្លៃខ្ពស់។ ជាឧទាហរណ៍ នៅរដ្ឋកាលីហ្វ័រញ៉ា សាំងបានកំណត់តម្លៃខ្ពស់គ្រប់ពេលថ្មីគឺជិត 6,08 ដុល្លារក្នុងមួយហ្គាឡុង កាលពីថ្ងៃសុក្រ។ រដ្ឋហាវ៉ៃ និងវ៉ាស៊ីនតោន ក៏បានបង្កើតកំណត់ត្រា រដ្ឋថ្មីផងដែរ ដោយជាមធ្យម 5,43 ដុល្លារក្នុងមួយហ្គាឡុង និង 5,22 ដុល្លារក្នុងមួយហ្គាឡុងរៀងគ្នា ៕
ប្រែសម្រួលៈ ណៃ តុលា
