បរទេស៖ រដ្ឋាភិបាលរុស្ស៊ីទាំងមូល បានលាលែងពីតំណែង នៅថ្ងៃទី ១៥ ខែមករា ដោយអតីតនាយករដ្ឋមន្រ្តី លោក Dmitry Medvedev បាននិយាយថា នេះត្រូវបានធ្វើ ដើម្បីឱ្យប្រធានាធិបតី វ្លាឌីមៀពូទីន អនុវត្តគោលដៅ ដែលបានលើកឡើង នៅក្នុងសុន្ទរកថា របស់លោកទៅកាន់ អង្គនីតិបញ្ញត្តិ។
យោងតាមសារព័ត៌មាន Sputnik ចេញផ្សាយនៅថ្ងៃទី១៦ ខែមករា ឆ្នាំ២០២០ បានឱ្យដឹងថា សភាជាន់ទាបរបស់រុស្ស៊ី គឺរដ្ឋឌូម៉ា បានអនុម័តនៅថ្ងៃទី១៦ ខែមករា លើការតែងតាំងលោក Mikhail Mishustin ឱ្យកាន់តំណែង ជានាយករដ្ឋមន្ត្រី។
សមាជិកសភាចំនួន ៣៨៣នាក់ បានបោះឆ្នោតជ្រើសរើស បេក្ខភាពរបស់លោក Mikhail Mishustin សម្រាប់មុខតំណែង ជានាយករដ្ឋមន្រ្តីនៃ ប្រទេសរុស្ស៊ី ដោយគ្មាននរណាម្នាក់ បានជំទាស់នោះទេ ខណៈដែល ៤១នាក់ បានអនុបវាទ នេះបើយោងតាមលទ្ធផល នៃការបោះឆ្នោត។
ការជ្រើសរើសនេះ ត្រូវបានគេដឹង នៅមុននេះថា United Russia ដែលមានសំឡេងភាគច្រើន នៅក្នុងអង្គនីតិបញ្ញត្តិ គឺមានតែប្រទេសរុស្ស៊ី ហើយគណបក្ស ប្រជាធិបតេយ្យសេរី របស់រុស្ស៊ី បានសំរេចចិត្តគាំទ្រ បេក្ខជន ខណៈដែលគណបក្សកុម្មុយនីស្ត នៃសហព័ន្ធរុស្ស៊ី បានសំរេចចិត្តបដិសេធ៕
