បរទេស៖ លោក Alexey Arestovich ដែលជាជំនួយការកំពូល របស់ប្រធានាធិបតីអ៊ុយក្រែន លោក Volodymyr Zelensky បាននិយាយថា ប្រទេសអ៊ុយក្រែន នៅតែមានផែនការ វាយប្រហារ ស្ពានវែងបំផុតរបស់អឺរ៉ុប ដែលតភ្ជាប់តំបន់ Crimea ទៅកាន់តំបន់ Krasnodar របស់ប្រទេសរុស្ស៊ី។
យោងតាមសារព័ត៌មាន RT ចេញផ្សាយនៅថ្ងៃទី២ ខែកក្កដា ឆ្នាំ២០២២ បានឱ្យដឹងថា កាលពីថ្ងៃសុក្រ របាយការណ៍ប្រកាសអាសន្ន គឺបានលេចចេញពីផ្សែងហុយ ចេញពីតំបន់ក្បែរស្ពាន Crimean ដែលគេស្គាល់ផងដែរថាស្ពាន Kerch។ ប៉ុន្តែក្រោយមក អាជ្ញាធរ Crimean បាននិយាយថា មិនមានហេតុផលអ្វីដែលត្រូវភ័យស្លន់ស្លោឡើយ ដោយពន្យល់ថា ប៉ូលីសរុស្ស៊ី កំពុងធ្វើសមយុទ្ធនៅជិតផ្នែកមួយ នៃរចនាសម្ព័ន្ធស្ពានដែលមានប្រវែង 19 គីឡូម៉ែត្រនេះ។
នៅពេលសួរអំពីលំហាត់ទាំងនោះ អំឡុងពេលសម្ភាសន៍ជាមួយសកម្មជន Mark Feygin នៅលើ YouTube លោក Arestovich បាននិយាយថា អាជ្ញាធរ “ត្រឹមត្រូវក្នុងការរៀបចំ” ។ លោកថា “គ្មាននរណាម្នាក់មានមនោសញ្ចេតនានោះទេ ប្រសិនបើមានតម្រូវការបែបនេះ យើងនឹងវាយប្រហារលើស្ពាន Crimean នៅពេលត្រឹមត្រូវ»។
ទោះជាយ៉ាងណាក៏ដោយ ជំនួយការប្រធានាធិបតីរូបនេះ បានទទួលស្គាល់ថា សព្វាវុធដែលមានសម្រាប់យោធាអ៊ុយក្រែន បច្ចុប្បន្នគឺ “គ្មានសមត្ថភាពបច្ចេកទេស” ចំពោះស្ពានយុទ្ធសាស្ត្រនេះឡើយ៕
