គៀវ ៖ រដ្ឋមន្ត្រីការពារជាតិ អ៊ុយក្រែន លោក Oleksiy Reznikov បានឲ្យដឹងថា ប្រទេសអ៊ុយក្រែន បានក្លាយជាសមាជិករង នៃកម្មវិធីអន្តរប្រតិបត្តិការ ពហុភាគី (MIP) ដែលសម្របសម្រួលកិច្ច សហប្រតិបត្តិការបច្ចេកវិទ្យា នៃកងទ័ពនៃប្រទេស សមាជិកណាតូ។
លោក Reznikov ត្រូវបានដកស្រង់សម្តី ដោយសេវាកម្មសារព័ត៌មាន របស់ក្រសួងការពារជាតិថា “អ៊ុយក្រែន មានសក្តានុពលផ្នែក IT (បច្ចេកវិទ្យាព័ត៌មាន) ដ៏រឹងមាំ ហើយប្រទេសនេះ គឺជាសម្ព័ន្ធមិត្តរបស់អង្គការណាតូ ដ៏សក្តិសម។
យោងតាមក្រសួង សមាជិកភាពសហការក្នុង MIP ផ្តល់ឱ្យអ៊ុយក្រែននូវសិទ្ធិ ក្នុងការចូលរួមក្នុងការអភិវឌ្ឍន៍ និងការណែនាំស្តង់ដារសំខាន់ៗ របស់អង្គការណាតូ ដែលទាក់ទងនឹងអន្តរកម្ម នៃប្រព័ន្ធគ្រប់គ្រងការប្រយុទ្ធ និង ការអនុវត្តពាក់ព័ន្ធ។
MIP គឺជាកម្មវិធី នៃកិច្ចសហប្រតិបត្តិការ បច្ចេកវិទ្យា រវាងកងកម្លាំងប្រដាប់អាវុធ នៃប្រទេសសមាជិកណាតូ ដែលត្រូវបានបង្កើតឡើង ក្នុងកម្រិតនៃអ្នកអភិវឌ្ឍន៍ជាតិ នៃ ប្រព័ន្ធព័ត៌មានគ្រប់គ្រង ការប្រយុទ្ធ និងមានគោលបំណង សម្រេចបាននូវអន្តរប្រតិបត្តិការ នៃប្រព័ន្ធជាតិ C2IS ៕
ប្រែសម្រួល ឈូក បូរ៉ា
