ភ្នំពេញ: តុលាការកំពូលកាលពីថ្ងៃទី ២០ ខែ កក្កដា ឆ្នាំ ២០២២ នេះ បានប្រកាសសាលដីកា តម្កល់ទោស អតីតសកម្មជនគណបក្សសង្គ្រោះម្នាក់ ជាប់ពន្ធនាគារ កំណត់ ១ ឆ្នាំ ៨ ខែ និងពិន័យចំនួន ៨ លានរៀល ដដែល ជាប់ពាក់ព័ន្ធនឹងបទល្មើស ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម ប្រព្រឹត្ត នៅក្នុងព្រះរាជាណាចក្រកម្ពុជា កាលពីអំឡុងឆ្នាំ ២០២០។
លោក ជីវ កេង ជាប្រធានចៅក្រមជំនុំជម្រះនៃ តុលាការកំពូល បានអោយដឹង នៅក្នុងសវនាការថា ទណ្ឌិត រូបនេះ មានឈ្មោះ ទុំ ប៊ុនថន ភេទប្រុស អាយុ ៤៦ ឆ្នាំ មុខរបរមុខពេលចាប់ខ្លួន អ្នកលក់សាច់គោអាំង និង ជាអតីតសមាជិកសកម្ម នៃ អតីតគណ:បក្សសង្គ្រោះជាតិ ( CNRP) ។
ទណ្ឌិត ឈ្មោះ ទុំ ប៊ុនថន ត្រូវបានសាលាដំបូង រាជធានីភ្នំពេញ កាលពីថ្ងៃទី ៣០ ខែ ធ្នូ ឆ្នាំ ២០២០ ផ្តន្ទាទោសដាក់ពន្ធនាគារ កំណត់ ១ឆ្នាំ ៨ ខែ និង ពិន័យជាប្រាក់ចំនួន ៨ លានរៀល ពីបទ ” ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម ” តាមបញ្ញត្តិមាត្រា ៤៥៣ មាត្រា ៤៩៤ និងមាត្រា ៤៩៥ នៃក្រមព្រហ្មទណ្ឌ។
ទណ្ឌិត ឈ្មោះ ទុំ ប៊ុនថន ត្រូវបានសមត្ថកិច្ចនគរបាលចាប់ខ្លួន ថ្ងៃទី ១ ខែ តុលា ឆ្នាំ ២០២១ តាមដីកាបង្គាប់ឲ្យចាប់ខ្លួនពីចៅក្រម ជំនុំជម្រះនៃសាលាដំបូងរាជធានីភ្នំពេញ៕ដោយ: លីហ្សា
