បរទេស៖យោងតាមស្ត្រីដែលជាម្តាយមានឈ្មោះថា Barbara Scandella បានប្រាប់ទៅកាន់កាសែតក្នុងស្រុករបស់អ៊ីតាលី La Repubblica ថាស្ត្រីជាយោធាអាមេរិកនាង Julia Bravo ដែលបានបើកបរធ្វើឲ្យស្លាប់កូនប្រុសអាយុ ១៥ឆ្នាំម្នាក់របស់គាត់នោះគឺត្រូវតែបានកាត់ទោសនៅអ៊ីតាលី មិនត្រូវ បញ្ចូនទៅអាមេរិកឡើយ។
លោកស្រី Scandella បានបន្តទៀតថា៖ស្ត្រីយោធារុបនេះត្រូវតែនៅប្រឈមមុខ ទៅនឹងទោសទណ្ឌរបស់នាង នៅអ៊ីតាលី។ ពួកយើងគ្រប់គ្នាបានដឹងអំពីហេតុ ការណ៍នោះនិងគ្រោះថ្នាក់ដែលនាង Julia បានបង្កក្នុងពេលដែលនាងបើកបរទាំងស្រវឹងនោះផង។
គួរឲ្យដឹងដែរនាង Julia យោធាទ័ពអាកាសអាមេរិករូបនេះ គឺទើបតែបានផាកពិន័យរួចរាល់ក្នុងការបើកបរ ក្នុងស្ថានភាពស្រវឹង ហើយថែមទាំងបានចាប់ឃុំខ្លួន នៅ ក្នុងផ្ទះផងដែរ។ បច្ចុប្បន្ននាងត្រូវបានចាប់ឃាត់ ឃុំខ្លួននិងកំពុងរងចាំការកាត់ក្តី។
នាង Julia ត្រូវបានសាក្សីអះអាងថាបានប្រើប្រាស់សារជាតិស្រវឹង លើកាលកំណត់ដល់ទៅ៤ដង ហើយបានដើរចេញពីឌីស្កូទាំងស្រវឹងខ្លាំង និងបន្តបើកបរគេចពី ប៉ូលីសផង និងអ្នកធ្វើដំណើរផងរហូតទៅ ដល់បុកក្មេងប្រុសនោះស្លាប់ភ្លាមៗ នៅលើផ្លូវបញ្ច្រាសគ្នាក្បែរទៅនឹង ទ័ពអាកាស Aviano ៕
ប្រែសម្រួល៖ស៊ុនលី
