វ៉ាស៊ីនតោន៖ ក្នុងពេលឆាប់ៗនេះ កងកម្លាំងអ៊ុយក្រែន នឹងអាចប្រែក្លាយ រថយន្តភីកអាប់ធម្មតា និងយានជំនិះផ្សេងទៀត ទៅជាឧបករណ៍បាញ់ គ្រាប់រ៉ុក្កែតចល័ត ដែលអាកំទេច យន្តហោះដ្រូនរបស់រុស្សីបាន ដោយសារធាតុថ្មី នៅក្នុងកញ្ចប់សព្វាវុធចុងក្រោយបំផុត របស់សហរដ្ឋអាមេរិក សម្រាប់អ៊ុយក្រែន ។
ឧបករណ៍ VAMPIRE ពីក្រុមហ៊ុនផលិតសព្វាវុធអាមេរិក L3Harris ត្រូវបានរួមបញ្ចូលក្នុងកញ្ចប់ជំនួយចំនួន ៣ពាន់លានដុល្លារអាមេរិក ដល់អ៊ុយក្រែន ដែលរដ្ឋបាលលោក បៃដិន បានប្រកាសកាលពីថ្ងៃពុធ ។ កញ្ចប់ដែលធំបំផុត រហូតមកដល់បច្ចុប្បន្ននេះក៏រួមបញ្ចូល ទាំងជំនួយ កាំភ្លើងធំ និងប្រព័ន្ធ ការពារ អាកាស ក្នុងចំណោមប្រព័ន្ធផ្សេងទៀត។
យោងតាមក្រុមហ៊ុន ផលិតឧបករណ៍ Vehicle-Agnostic Modular Palletized ISR Rocket Equipment (VAMPIRE) រួមមានប្រព័ន្ធអាវុធឡាស៊ែរ “ប្រភេទវ៉ាលី” ដែលអាចផ្ទុកបានយ៉ាងងាយស្រួល ចូលទៅក្នុងគ្រែដឹកទំនិញរបស់ឡានដឹកទំនិញ និងដំឡើងដោយនាវិក ឬមនុស្សពីរនាក់។ អាវុធ នេះ មាន ប្រសិទ្ធភាពសម្រាប់ វាយប្រហារ ទាំង គោលដៅលើដី និងអាកាស។
នៅក្នុងប្រទេសអ៊ុយក្រែន ប្រព័ន្ធនេះ ទំនងជាបម្រើជា ការប្រឆាំងទៅនឹងប្រព័ន្ធអាកាស គ្មានមនុស្សបើក នេះបើតាម Defence News បានរាយការណ៍ កាលពីថ្ងៃព្រហស្បតិ៍ ដោយដកស្រង់ការកត់សម្គាល់ ដែលបានធ្វើឡើងនៅក្នុងសន្និសីទសារព័ត៌មានដោយ Colin Kahl អនុរដ្ឋលេខាធិការការពារជាតិ សម្រាប់គោលនយោបាយ ។
លោក Kahl បានប្រាប់អ្នកយកព័ត៌មាន នៅសប្តាហ៍នេះថា “ប្រព័ន្ធ VAMPIRE ខ្លួនវាគឺជាប្រព័ន្ធប្រឆាំង UAS វាគឺជាប្រព័ន្ធ kinetic ដែលប្រើកាំជ្រួចតូចៗយ៉ាងសំខាន់ ដើម្បីបាញ់យន្ដហោះដ្រូន UAV ពីលើមេឃ”៕
ប្រែសម្រួល ឈូក បូរ៉ា
