តេអេរ៉ង់ ៖ គេហទំព័ររបស់ក្រសួង ការបរទេសអ៊ីរ៉ង់ បានរាយការណ៍កាលពីថ្ងៃសុក្រថា រដ្ឋមន្ត្រីការបរទេសអ៊ីរ៉ង់បានសង្កត់ធ្ងន់ថា ទីក្រុងតេអេរ៉ង់ ចាត់ទុកដំណោះស្រាយ នៃបញ្ហាការពារ “ក្លែងក្លាយ និងដោយហេតុផល នយោបាយ” ថាជាកត្តាចាំបាច់ សម្រាប់ការឈានដល់កិច្ច ព្រមព្រៀងមួយនៅក្នុង កិច្ចពិភាក្សា ស្តីពីការស្តារឡើងវិញនូវកិច្ចព្រមព្រៀង នុយក្លេអ៊ែរឆ្នាំ២០១៥ ។
លោក Hossein Amir-Abdollahian បានធ្វើការកត់សម្គាល់នៅក្នុងការសន្ទនា តាមទូរស័ព្ទជាមួយ អគ្គលេខាធិការអង្គការ សហប្រជាជាតិលោក Antonio Guterres កាលពីថ្ងៃព្រហស្បតិ៍ ដែលក្នុងនោះភាគី ទាំងពីរក៏បានពិភាក្សា អំពីបញ្ហាក្នុងតំបន់ និងអន្តរជាតិមួយចំនួន និងសន្និសិទពិនិត្យ សន្ធិសញ្ញាមិនរីកសាយភាយ អាវុធនុយក្លេអ៊ែរ ដែលកំពុងដំណើរការ នេះបើយោងតាមគេហទំព័រក្រសួង។
លោក Amir-Abdollahian បានកត់ សម្គាល់ថា នៅក្នុងការអនុវត្តជាក់ស្តែង អ៊ីរ៉ង់បានបង្ហាញឱ្យឃើញថា ឆន្ទៈរបស់ខ្លួនសម្រាប់ការសម្រេច បាននូវកិច្ចព្រមព្រៀង “រឹងមាំ និងយូរអង្វែង” គឺធ្ងន់ធ្ងរ និងពិតប្រាកដ។
លោកបានបន្ថែមថា អ៊ីរ៉ង់ បានទទួលកាលពីថ្ងៃពុធ ការឆ្លើយតប របស់ភាគីអាមេរិក ចំពោះទស្សនៈរបស់ទីក្រុងតេអេរ៉ង់ លើសេចក្តីព្រាង នៃកិច្ចព្រមព្រៀង នុយក្លេអ៊ែរដ៏មានសក្តានុពល របស់សហភាពអឺរ៉ុប ហើយកំពុងពិនិត្យ និងវាយតម្លៃវា។
លោក Stephane Dujarric អ្នកនាំពាក្យរបស់អគ្គលេខាធិការ អង្គការសហប្រជាជាតិបានឲ្យដឹងកាលពីថ្ងៃព្រហស្បតិ៍ថា ប្រធានអង្គការសហប្រជាជាតិ បានសង្កត់ធ្ងន់នៅក្នុងការហៅទូរស័ព្ទថា វាមានសារៈសំខាន់ខ្លាំងណាស់ ដែលភាគីទាំងអស់ធ្វើការឆ្ពោះទៅរក ការបន្តកិច្ចព្រមព្រៀងនុយក្លេអ៊ែរ ដែលត្រូវបានគេស្គាល់ជាផ្លូវការថា ជាផែនការសកម្មភាពទូលំទូលាយរួម (JCPOA ។ )
ប្រទេសអ៊ីរ៉ង់ បានចុះហត្ថលេខាលើ JCPOA ជាមួយមហាអំណាច ក្នុងខែកក្កដា ឆ្នាំ២០១៥ ដោយយល់ព្រមទប់ស្កាត់កម្ម វិធីនុយក្លេអ៊ែររបស់ខ្លួន ជាថ្នូរនឹងការដកទណ្ឌកម្មលើប្រទេសនេះ។
ទោះបីជាយ៉ាងណាក៏ដោយ អតីតប្រធានាធិបតីអាមេរិក លោក ដូណាល់ ត្រាំ បានដកទីក្រុង វ៉ាស៊ីនតោន ចេញពីកិច្ចព្រមព្រៀង និងដាក់ទណ្ឌកម្មឯកតោភាគី ឡើងវិញលើទីក្រុងតេអេរ៉ង់ ដែលជំរុញឱ្យភាគីចុងក្រោយទម្លាក់ ការប្តេជ្ញាចិត្តមួយចំនួននៅក្រោមក តិកាសញ្ញានេះ។
កិច្ចពិភាក្សាស្តីពីការរស់ឡើងវិញ នៃកិច្ចព្រមព្រៀងនុយក្លេអ៊ែរឆ្នាំ២០១៥ បានចាប់ផ្តើម នៅក្នុងខែមេសា ឆ្នាំ២០២១ នៅទីក្រុងវីយែន ប៉ុន្តែត្រូវបានផ្អាកនៅក្នុងខែមីនាឆ្នាំនេះ ដោយសារតែភាពខុសគ្នាខាងនយោបាយ រវាងទីក្រុងតេអេរ៉ង់ និងវ៉ាស៊ីនតោន៕
ប្រែសម្រួល ឈូក បូរ៉ា
