បរទេស៖ យោងតាមការចេញផ្សាយ របស់ទូរទស្សន៍ BBC នៅថ្ងៃនេះបានឲ្យដឹងថា ទឹកសុទ្ធ ប្រមាណជា១,១លានដប ត្រូវបានចែកចាយអស់ មិនដល់រយៈពេល១ថ្ងៃផង នៅក្នុងទីក្រុង Jackson រដ្ឋ Mississippi ក្រោយពេលទីក្រុងនេះ បានជួបវិបត្តិខ្វះខាត ទឹកខ្លាំង។
ពលរដ្ឋក្នុងរដ្ឋធានី របស់រដ្ឋ Mississippi នេះសរុបប្រមាណជា ២០០០០០នាក់ ត្រូវបានគេដឹងថាមិនមានទឹកប្រើប្រាស់ អស់រយៈពេលប្រមាណជា៥ថ្ងៃមកហើយ នៅក្រោយគ្រោះទឹកជំនន់ ដែលបាន
កាត់ផ្តាច់ប្រព័ន្ធផ្គត់ផ្គង់ទឹក និងទីតាំងផលិតទឹកស្អាត របស់ទីក្រុង។
មកដល់ពេលនេះ ក្រុមមន្ត្រីជំនាញ នៅតែបន្តធ្វើការងារជួសជុល និងស្តារឡើងវិញ នៅឡើយនូវប្រព័ន្ធផ្គត់ផ្គង់ទឹក របស់ទីក្រុង ហើយសង្ឃឹមថានឹងអាចរួចរាល់ មុនពេលដែលកម្មវិធី បុណ្យឈប់សម្រាក នៅចុង
សប្តាហ៍ នេះឈានចូលមកដល់។
គួរឲ្យដឹងដែរថា ទាំងកងកម្លាំងយោធា របស់រដ្ឋ Mississippi ផងបានចែកចាយទឹកប្រមាណជា១,១លានដប ជូនពលរដ្ឋនិងទាំងកម្លាំងយោធា ស្ម័គ្រចិត្ត ប្រចាំតំបន់ផងក៏បានចែកចាយ ទឹកប្រើប្រាស់
ទៅកាន់ពលរដ្ឋក្នុងទីក្រុងនេះ ក្នុងពេលជាមួយគ្នាដែរ៕
ប្រែសម្រួល៖ស៊ុនលី
