ប៉េកាំង៖ គណៈកម្មាធិការពន្ធគយនៃ ក្រុមប្រឹក្សារដ្ឋបានឲ្យដឹងថា ប្រទេសចិន នឹងបន្តលើកលែងទំនិញមួយចំនួន របស់សហរដ្ឋអាមេរិក ពីពន្ធបន្ថែមរហូតដល់ខែឧសភា ឆ្នាំក្រោយ នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
យោងតាមសេចក្តីថ្លែងការណ៍ពីមុន ដែលបានចេញផ្សាយនៅក្នុងខែមេសាឆ្នាំនេះ ទំនិញមួយចំនួនពីសហរដ្ឋអាមេរិក ត្រូវបានដកចេញពីវិធានការ ប្រឆាំងពន្ធប្រឆាំងនឹងវិធានការ US Section 301 រហូតដល់ថ្ងៃទី៣០ ខែវិច្ឆិកា ឆ្នាំ២០២២។
គណៈកម្មាការបានឲ្យដឹង នៅក្នុងសេចក្តីថ្លែងការណ៍មួយថា បន្ទាប់ពីការពន្យារពេល ការលើកលែងនឹងមាន រយៈពេលរហូតដល់ថ្ងៃទី៣១ ខែឧសភា ឆ្នាំ២០២៣ ៕
ប្រែសម្រួល ឈូក បូរ៉ា
