តូក្យូ៖ ប្រភពជិតស្និទ្ធនឹងបញ្ហានេះបានឲ្យដឹងថា ប្រទេសជប៉ុន នឹងទទួលយកទាហានអ៊ុយក្រែន ដែលរងរបួស សម្រាប់ការព្យាបាលជាផ្នែកនៃកិច្ចខិតខំប្រឹងប្រែង ដើម្បីគាំទ្រដល់មាតុភូមិដែល ហែកហួរដោយសង្រ្គាមនៅក្នុងការប្រយុទ្ធ ដែលកំពុងបន្តដើម្បីការពារខ្លួនប្រឆាំងនឹងប្រទេសរុស្ស៊ី។
ប្រភពបានឲ្យដឹងថា នៅក្នុងចលនាដ៏កម្រមួយ ទាហានជាច្រើននឹងត្រូវបាន ទទួលយកនៅមន្ទីរពេទ្យកណ្តាលនៃកងកម្លាំងការពារ ស្វ័យការពារក្នុងទីក្រុងតូក្យូ នៅដើមខែក្រោយ សម្រាប់ការថែទាំវេជ្ជសាស្រ្ត និងការព្យាបាលរាងកាយ។
រដ្ឋាភិបាលជប៉ុន មានបំណងបង្ហាញការប្ដេជ្ញា ចិត្តកាន់តែខ្លាំងចំពោះអ៊ុយក្រែន មុនកិច្ចប្រជុំកំពូលក្រុមទាំងប្រទេសសេដ្ឋកិច្ចទាំង៧ ដែលចាប់ផ្តើមនៅថ្ងៃសុក្រ។ ប្រភពរដ្ឋាភិបាលជប៉ុន បានឲ្យដឹងថា ផែនការទទួលយកទាហានដែលរងរបួស រួមទាំងអ្នក របួសដោយគ្រាប់មីន គឺជាការឆ្លើយតប នឹងសំណើរបស់អ៊ុយក្រែន។
ផែនការរបស់ប្រទេសជប៉ុន ក្នុងការព្យាបាលទាហាន ដែលរងរបួសអាចត្រូវបាន ពិភាក្សានៅពេលដែលរដ្ឋមន្ត្រីការពារជាតិលោក Yasukazu Hamada ជួបជាមួយឯកអគ្គរដ្ឋទូតអ៊ុយក្រែន ប្រចាំប្រទេសជប៉ុនលោក Sergiy Korsunsky នៅថ្ងៃព្រហស្បតិ៍នេះ។
ខណៈពេលដែលសហរដ្ឋអាមេរិក និងបណ្តាប្រទេសអ៊ឺរ៉ុប បាននិងកំពុងផ្តល់រថក្រោះ យន្តហោះចម្បាំង និងកាំភ្លើងធំរយៈចម្ងាយឆ្ងាយដល់អ៊ុយក្រែន បទប្បញ្ញត្តិដ៏តឹងរឹងរបស់ប្រទេសជប៉ុន ស្តីពីការនាំចេញអាវុធមានន័យថា ប្រទេសនេះបានផ្តល់ឧបករណ៍ការពារ ដែលមិនមានគ្រោះថ្នាក់ដល់ទីក្រុងគៀវ ដូចជាអាវការពារគ្រាប់កាំភ្លើង មួកសុវត្ថិភាព និងយន្តហោះដ្រូន។
ផែនការនឹងត្រូវដោះស្រាយដោយប្រុងប្រយ័ត្ន។ ប្រសិនបើការព្យាបាលទាំងនោះ ត្រូវបានបញ្ជូនត្រឡប់ទៅជួរមុខវិញ បន្ទាប់ពីការជាសះស្បើយ វាអាចត្រូវបានគេយល់ថា ជាការផ្តល់នូវសមត្ថភាព ប្រយុទ្ធដល់ប្រទេសមួយផ្សេងទៀត៕
ប្រែសម្រួល ឈូក បូរ៉ា
