តូក្យូ៖ រដ្ឋាភិបាលជប៉ុន បានដាក់ពាក្យស្នើសុំទៅតុលាការសម្រាប់បញ្ជាឱ្យរំលាយព្រះវិហារបង្រួបបង្រួមក្នុងចលនាមួយ ដែលនឹងដកហូតក្រុមដែលត្រូវបានគេស្គាល់ថា សម្រាប់ការស្នើសុំអំណោយដ៏ខ្លាំងក្លារបស់ខ្លួនពីអត្ថប្រយោជន៍ពន្ធរបស់ខ្លួន។
រដ្ឋាភិបាលរបស់នាយករដ្ឋមន្រ្តីលោក ហ្វូមីអូ គីស៊ីដា បានធ្វើការសម្រេចចិត្ត ដើម្បីបន្តដីការបស់តុលាការកាលពីថ្ងៃព្រហស្បតិ៍ បន្ទាប់ពីការស៊ើបអង្កេតអស់រយៈពេលជិតមួយឆ្នាំលើអង្គការសាសនា ដែលត្រូវបានគេស្គាល់ជាផ្លូវការថាសហព័ន្ធគ្រួសារ សម្រាប់សន្តិភាពនិងការបង្រួបបង្រួមពិភពលោក ថោយសំណើនេះត្រូវបានដាក់ទៅតុលាការក្រុងតូក្យូ។
ដោយសារតែក្រុមនេះត្រូវបានគេរកឃើញថា បានស្នើសុំការបរិច្ចាគយ៉ាងច្រើនមិនសមរម្យពីអ្នកដើរតាមរបស់ខ្លួនចាប់តាំងពីប្រហែលឆ្នាំ១៩៨០ អ្នកវិភាគមួយចំនួនបានរិះគន់រដ្ឋាភិបាល ចំពោះការបរាជ័យរបស់ខ្លួនក្នុងការដោះស្រាយបញ្ហាយ៉ាងឆាប់រហ័សជុំវិញព្រះវិហារបង្រួបបង្រួម។
បន្ទាប់ពីការដាក់ពាក្យស្នើសុំកាលពីថ្ងៃសុក្រ រដ្ឋមន្ត្រីក្រសួងវប្បធម៌ លោក Masahito Moriyama ដែលទទួលបន្ទុកបញ្ហាសាសនានៅក្នុងប្រទេសជប៉ុន បានសម្តែងការសោកស្តាយចំពោះការឆ្លើយតបយឺតយ៉ាវរបស់រដ្ឋាភិបាលដោយថា “មានទិដ្ឋភាពជាច្រើន ដែលត្រូវឆ្លុះបញ្ចាំង” ។
ប្រសិនបើតុលាការទទួលយកសំណើរបស់រដ្ឋាភិបាល ព្រះវិហារបង្រួបបង្រួម ដែលបានបង្កើតឡើងនៅក្នុងប្រទេសកូរ៉េខាងត្បូងដោយការប្រឆាំងកុម្មុយនិស្តដ៏រឹងមាំក្នុងឆ្នាំ១៩៥៤ នឹងបាត់បង់ឋានៈរបស់ខ្លួនជាសាជីវកម្មសាសនា ដែលទទួលបាននូវអត្ថប្រយោជន៍ពន្ធ ទោះបីជាអង្គការនេះនៅតែអាចបន្តសកម្មភាពរបស់ខ្លួននៅក្នុងប្រទេសជប៉ុនក៏ដោយ៕
ប្រែសម្រួល ឈូក បូរ៉ា
