បរទេស៖ មន្ត្រីក្រសួងសុខាភិបាល ជាន់ខ្ពស់បាននិយាយថា ប្រទេសថៃ បានរាយការណ៍ថា មានការឆ្លងមេរោគថ្មីកូវីដ១៩ចំនួន ១៨៨ នាក់បន្ថែមទៀត នៅថ្ងៃអាទិត្យ ដែលជាការកើនឡើងប្រចាំថ្ងៃដ៏ធំបំផុតក្នុងប្រទេសនេះ ដែលនាំឱ្យមានអ្នកឆ្លងវីរុសសរុបចំនួន ៥៩៩ ករណី។
យោងតាមសារព័ត៌មានថៃ បាងកកប៉ុស្តិ៍ ចេញផ្សាយនៅថ្ងៃទី២២ ខែមីនា ឆ្នាំ២០២០ បានឱ្យដឹងថា អ្នកនាំពាក្យក្រសួងសុខាភិបាលថៃលោក Taweesin Wisanuyothin បានប្រាប់សន្និសីទកាសែតថា ភាគច្រើននៃការឆ្លងថ្មីត្រូវបាន ផ្សារភ្ជាប់ទៅនឹងអ្នកមើលប្រដាល់នៅកីឡដ្ឋាន Lumpini ។
លោកបាននិយាយថាមនុស្ស ៧ នាក់ស្ថិតក្នុងស្ថានភាពធ្ងន់ធ្ងរ ខណៈដែលម្នាក់បានធូរស្បើយរួចហើយ។
វេជ្ជបណ្ឌិត Taweesin បានជំរុញឱ្យប្រជាជននៅផ្ទះ ហើយនិយាយថា“ ករណីថ្មីៗភាគច្រើនត្រូវបានរកឃើញនៅក្នុងទីក្រុងបាងកក និងស្ថិតក្នុងចំណោមយុវជន ដែលបន្តមានសកម្មភាពនៅជុំគ្នា ដែលអាចនាំឱ្យមានការឆ្លងកាន់តែច្រើន” ៕ ប្រែសម្រួលៈ ណៃ តុលា
