បរទេស ៖ យោងតាមការ ចេញផ្សាយរបស់ RT សមាជិកសភា Roman Kostenko បាននិយាយនៅក្នុងបទ សម្ភាសន៍មួយថា អ៊ុយក្រែនត្រូវការទាហានថ្មី យ៉ាងហោចណាស់៥០ម៉ឺននាក់ ដើម្បីជំនួសការខាតបង់ក្នុងសមរភូមិ និងរៀបចំអង្គភាពថ្មីៗខណៈដែល ផែនការបច្ចុប្បន្នរបស់ទីក្រុងគៀវ ធ្លាក់ចុះមកត្រឹមតែ៣០ម៉ឺននាក់ប៉ុណ្ណោះ។
លោកKostenko គឺជាលេខានៃគណៈកម្មាធិផ្នែកកិច្ចការងារការពារជាតិ និងស៊ើបការណ៍ប្រចាំឲ្យតំបន់ Verkhovna Rada និងជាអតីតមន្ត្រីនៅក្នុងយោធាអ៊ុយក្រែនផងដែរដែល ការលើកឡើង របស់លោកបានធ្វើឡើងក្នុងបទសម្ភាសជាមួយស្ថានីយទូរទស្សន៍ Priamyi ដោយផ្ទាល់កាល ពីចុងសប្តាហ៍កន្លងមកនេះ។
ក្នុងនោះដែរលោកKostenko បាននិយាយថា ដោយពិចារណា លើស្ថានភាពនេះ ការប៉ាន់ស្មានបានត្រូវ បានធ្វើឡើងដំបូង តាំងតែពីពេលចុងឆ្នាំមុនមកម្ល៉េះដោយអតីត មេយោធា Valery Zaluzhny ដែលយ៉ាងណាមានតួលេខ ខុសគ្នាខ្លះទៅនឹង តួលេខបច្ចុប្បន្នរបស់ទីក្រុងគៀវ។
លោកZaluzhny បានអំពាវនាវឱ្យមានការចល័តយោធាថ្មីចំនួន៥០០.០០០ នាក់ក្នុងខែធ្នូ ឆ្នាំ ២០២៣ដែល ដំបូងឡើយ លោក Vladimir Zelensky បានយល់ស្របនឹងការវាយតម្លៃនោះ ប៉ុន្តែបានរារែកដោយសារតែប្រតិកម្មជាសាធារណៈទៅវិញ។
លកZaluzhny ត្រូវបានលាលែងពីកាតព្វកិច្ចក្នុងខែកុម្ភៈ ដែលត្រូវបានគេរាយការណ៍ថា ដោយសារការខ្វែងគំនិតគ្នាអំពីសេចក្តីព្រាងច្បាប់នេះ ហើយត្រូវបានតែងតាំង ជាឯកអគ្គរដ្ឋទូតអ៊ុយក្រែន ប្រចាំចក្រភពអង់គ្លេសទៅវិញ៕
ប្រែសម្រួល៖ស៊ុនលី
