សង្គ្រាមប្រឆាំង គ្រឿងញៀន របស់ប្រធានាធិបតីអាមេរិក អាចនឹងធ្វើអោយអឺរ៉ុប មានអ្នកជក់គ្រឿងញៀន កាន់តែច្រើន
បរទេស៖ មន្ត្រីអាឡឺម៉ង់បានព្រមានថា អឺរ៉ុប អាចប្រឈមមុខនឹងការកើនឡើងនៃគ្រឿងញៀន ដែលជាលទ្ធផលនៃ “សង្គ្រាមប្រឆាំងគ្រឿងញៀន” របស់ប្រធានាធិបតីអាមេរិកលោក Donald Trump ដែលផ្តោតលើអ្នកជួញដូរដែលត្រូវបានចោទប្រកាន់នៅតំបន់ការ៉ាប៊ីន និងប៉ាស៊ីហ្វិក។
យោងតាមសារព័ត៌មាន RT ចេញផ្សាយនៅថ្ងៃទី២៤ ខែតុលា ឆ្នាំ២០២៥ បានឱ្យដឹងថា ស្នងការទទួលបន្ទុកគ្រឿងញៀនអាឡឺម៉ង់លោក Hendrik Streeck បានប្រាប់សារព័ត៌មាន Bild កាលពីថ្ងៃព្រហស្បតិ៍ថា ការបង្រ្កាបដ៏តឹងរ៉ឹងរបស់សហរដ្ឋអាមេរិកលើក្រុមជួញដូរគ្រឿងញៀននៅក្នុងប្រទេសកូឡុំប៊ី និងប្រទេសវេណេស៊ុយអេឡា អាចធ្វើឲ្យបញ្ហាគ្រឿងញៀនហូរចូលអឺរ៉ុបកាន់តែធ្ងន់ធ្ងរ។
លោក Streeck បានព្រមានថា អ្នកជួញដូរអាចផ្លាស់ប្តូរផ្លូវតាមសមុទ្រ និងដី និងពង្រីកតាមអ៊ីនធឺណិតថែមទៀត។ លោកបានបន្តថា៖ «ឧក្រិដ្ឋកម្មដែលមានការរៀបចំមានសកម្មភាពខ្លាំងរួចហើយ ជាពិសេសតាមអ៊ីនធឺណិត។
លោកបានព្រមានអំពី “វិបត្តិដែលនឹងកើតឡើង” នៅក្នុងប្រទេសអាល្លឺម៉ង់ ដោយលើកឡើងពីហេតុផលនៃការធ្លាក់ចុះតម្លៃកូកាអ៊ីន អ្នកប្រើប្រាស់វ័យក្មេង និងការកើនឡើងនៃការស្លាប់ទាក់ទងនឹងគ្រឿងញៀនក្នុងចំណោមមនុស្សដែលមានអាយុក្រោម ៣០ ឆ្នាំ។
កាលពីថ្ងៃសុក្រ ខណៈពេលដែលបង្ហាញរបាយការណ៍ប្រចាំឆ្នាំស្តីពីឧក្រិដ្ឋកម្មទាក់ទងនឹងគ្រឿងញៀន លោក Streeck បានពិពណ៌នាអំពីការកើនឡើង “គួរឱ្យព្រួយបារម្ភ” នៅក្នុងការប្រើប្រាស់ថ្នាំញៀនដែលគ្រោះថ្នាក់។ ចំណែករដ្ឋមន្ត្រីមហាផ្ទៃអាល្លឺម៉ង់ Alexander Dobrindt បាននិយាយថា ប្រទេសអាល្លឺម៉ង់កំពុងប្រឈមមុខនឹង “បញ្ហាគ្រឿងញៀនដ៏ធំ” ។
ភាពអាចរកបាន នៃកូកាអ៊ីននៅតែបន្តកើនឡើង នៅទូទាំងសហភាពអឺរ៉ុប ដោយរដ្ឋជាសមាជិក រាយការណ៍ពីការរឹបអូស ជាកំណត់ត្រា សម្រាប់រយៈពេលប្រាំពីរឆ្នាំជាប់ៗគ្នាក្នុងឆ្នាំ 2023, នេះបើយោងតាមទិន្នន័យ របស់ទីភ្នាក់ងារគ្រឿងញៀនរបស់អឺរ៉ុប៕
ប្រែប្រួលៈ ណៃ តុលា
