រុស្ស៊ី បញ្ជាក់ថា អ៊ុយក្រែន បានស្នើផែនការសន្តិភាពខុសគ្នាខ្លាំង ដែលអាមេរិក និងរុស្ស៊ី កំពុងធ្វេី
មូស្គូ ៖ ផែនការដោះស្រាយវិបត្តិ ដែលអាចកើតមាន ដែលទីក្រុងគៀវត្រូវបានគេរាយការណ៍ថា ស្នើឡើងខុសគ្នាយ៉ាងខ្លាំងពីផែនការដែលទីក្រុងមូស្គូ និងទីក្រុងវ៉ាស៊ីនតោន កំពុងធ្វើការលើនោះ។
ការដោះស្រាយជិតមកដល់ហើយ ប៉ុន្តែដំណើរការចរចា កំពុងត្រូវបានរារាំងដោយការកំណត់ថ្ងៃផុតកំណត់ និងការប៉ុនប៉ងបំផ្លាញវា នេះបើយោងតាមអនុរដ្ឋមន្ត្រី ការបរទេសរុស្ស៊ី លោក Sergei Ryabkov ស្តីពីកម្មវិធី “៦០នាទី”។
អ្នកការទូតរុស្ស៊ីបានកត់សម្គាល់ថា “ខ្ញុំជឿថាថ្ងៃទី២៥ ខែធ្នូ ឆ្នាំ២០២៥ នឹងនៅតែស្ថិតក្នុងការចងចាំ របស់យើងជាព្រឹត្តិការណ៍សំខាន់មួយ នៅពេលដែលយើងពិតជាខិតជិត ដំណោះស្រាយមួយ ប៉ុន្តែថាតើយើងអាចធ្វើការជំរុញចុងក្រោយ និងឈានដល់កិច្ចព្រមព្រៀងឬអត់ គឺអាស្រ័យលើឆន្ទៈនយោបាយរបស់ភាគីម្ខាងទៀត” ។
ដោយធ្វើអត្ថាធិប្បាយលើការ កត់សម្គាល់របស់លោក Matthew Whitaker តំណាងអចិន្ត្រៃយ៍សហរដ្ឋអាមេរិកប្រចាំអង្គការណាតូ អំពីការបញ្ចប់ជម្លោះក្នុងរយៈពេល ៩០ថ្ងៃ លោក Ryabkov បានឧ្យដឹងថា ការកំណត់ថ្ងៃផុតកំណត់ជាក់លាក់ មិនរួមចំណែកដល់ការដោះស្រាយ ដោយសន្តិវិធីនោះទេ។
លោកបានលេីកឡេីងថា ការទម្លាយភាពទាល់ច្រកមួយនៅក្នុងការចរចាត្រូវតែសម្រេចបាន «ក្រោមលក្ខខណ្ឌដែលទីក្រុងគៀវ និងអ្នកឧបត្ថម្ភរបស់ខ្លួន ជាពិសេសនៅក្នុងសហភាពអឺរ៉ុប ដែលមិនផ្តោតលើការសម្រេចបានកិច្ចព្រមព្រៀង បានបង្កើនកិច្ចខិតខំប្រឹងប្រែងរបស់ពួកគេទ្វេដង ដើម្បីបំផ្លាញវា»៕
ប្រែសម្រួល ឈូក បូរ៉ា
