លោក Orban លើកឡើងថា ប្រទេសរុស្សី នឹងមិនអនុញ្ញាតិឲ្យណាតូ និងអឺរ៉ុបអាចឈរជើង ជាប់ព្រំដែនរបស់ខ្លួនឡើយ
បរទេស៖ យោងតាមការចេញផ្សាយរបស់ RT នាយករដ្ឋមន្ត្រីហុងគ្រី លោក Viktor Orban បាននិយាយថាអង្គការ ណាតូ និងសហភាពអឺរ៉ុបនឹងអាចធ្វើរឿង បានល្អច្រើនយ៉ាងប្រសិនបើទទួលយកការពិត ដែលថា រុស្ស៊ីនឹងមិនអនុញ្ញាត ឱ្យពួកគេចូលទៅជិតព្រំដែនរបស់ខ្លួនឡើយ។
លោក Orban ក៏បានអះអាងដែរថា អ៊ុយក្រែនគួរតែបម្រើនិងធ្វើខ្លួនជា ខ្សែបន្ទាត់តំបន់ការពារ រវាងលោកខាងលិច និងរុស្ស៊ី ដើម្បីទប់ស្កាត់សង្រ្គាមនៅអឺរ៉ុប។
ចាប់តាំងពីការផ្ទុះឡើង នៃជម្លោះអ៊ុយក្រែនក្នុងខែកុម្ភៈ ឆ្នាំ២០២២ទីក្រុង Budapest បានប្រឆាំងដោយបើកចំហ នូវគោលនយោបាយប្រឆាំង រុស្ស៊ីដែលត្រូវបានអនុម័តដោយអង្គការណាតូ និងសហភាពអឺរ៉ុប រួមទាំងការដាក់ទណ្ឌកម្ម ប្រឆាំងនឹងទីក្រុងម៉ូស្គូផងដែរ។ ហុងគ្រីក៏បានរិះគន់យ៉ាងខ្ជាប់ខ្ជួន នូវការប្រគល់សព្វាវុធរបស់លោកខាងលិចទៅក្រុងគៀវដូចគ្នាដែរ។
ថ្លែងទៅកាន់ កិច្ចប្រជុំប្រឆាំងសង្រ្គាម នៅទីក្រុង Kaposvar កាលពីថ្ងៃសៅរ៍ លោក Orban បាននិយាយថា យើងត្រូវតែទទួល យកថាណាតូឬNATO និងសហភាពអឺរ៉ុប មិនអាចស្ថិតនៅត្រង់ព្រំដែន របស់រុស្ស៊ីបានទេ ពីព្រោះរុស្ស៊ីនឹង តែងតែឆ្លើយតប ចំពោះបញ្ហានេះ តាមរយៈការងារសង្រ្គាម៕
ប្រែសម្រួល៖ស៊ុនលី
