កាលពីថ្ងៃទី៨ ខែមិថុនា លោកស៊ីជីនភីង អគ្គលេខាធិការនៃ គណៈកម្មាធិការមជ្ឈិមបក្សកុម្មុយនិស្តចិន បានអញ្ជើញចុះត្រួតពិនិត្យ ការងារនៅភូមិភាគស្វយ័តនីងស្យា។ នេះជាលើកដំបូងហើយដែលលោកអញ្ជើញ ចុះត្រួតពិនិត្យការងារក្នុងប្រទេសចិន បន្ទាប់ពីការបើកធ្វើមហាសន្និបាតនៃសភាទាំងពីរមក ហើយក៏ជាលើកទី៦ ក្នុងឆ្នាំនេះដែលលោកអញ្ជើញ ចុះត្រួតពិនិត្យការងារតាមខេត្តដែរ។ លោកបានអញ្ជើញទៅដល់ក្រុង Wuzhong ស្ថិតនៅតំបន់កណ្តាលនៃនីងស្យា ដើម្បីត្រួតពិនិត្យភូមិមួយ ទន្លេមួយនិងសហគមន៍មួយ។
គោលដៅត្រួតពិនិត្យ ការងារទីមួយរបស់លោក ស៊ី ជីនភិង នៅក្រុង Wuzhong គឺភូមិ Hongde នៃខណ្ឌ Hongsibao ដែលជាភូមិអន្តោប្រវេសន៍មួយ។ បច្ចុប្បន្ន ក្នុងភូមិនេះមានអ្នកភូមិចំនួន ១៦៩៩ គ្រួសារ សរុប ៧០១៣នាក់។ ភូមិHongde បានលុបបំបាត់ភាពក្រីក្រនាឆ្នាំ២០១៩ ប្រាក់ចំណូលគិតជាមនុស្សម្នាក់ៗ ដែលអាចប្រើប្រាស់បាន មានចំនួនលើសពី៨០០០យាន់ប្រាក់ចិនក្នុងមួយឆ្នាំកន្លងទៅ។
នៅភូមិ Hongde លោក ស៊ី ជីនភីង បានចុះសាកសួរសុខទុក្ខ គ្រួសាររបស់អ្នកភូមិឈ្មោះ LiuKerui។ គ្រួសារលោក LiuKerui ប្របករបរចិញ្ចឹមសត្វ និងបានបម្រះខ្លួនចេញផុតពីភាពក្រីក្រនាឆ្នាំ២០១៧។
ពេលអញ្ជើញចុះ ត្រួតពិនិត្យការងារនៅនីងស្យា កាលពីឆ្នាំ២០១៦ លោក ស៊ី ជីនភីង បានថ្លែងថា នៅទូទាំងប្រទេចិននៅមាន ប្រជាជនក្រីក្រចំនួន ៥០លាននាក់ ដល់ឆ្នាំ ២០២០ចាំបាច់ត្រូវតែសម្រេចគោលដៅលុបបំបាត់ ភាពក្រីក្រទាំងស្រុង។ នេះជារឿងដែលខ្ញុំយក ចិត្តទុកដាក់បំផុតនាពេលបច្ចុប្បន្ននេះ។ ដល់ខែមិថុនានៃឆ្នាំ ២០២០ រឿងដែលលោក ស៊ី ជីនភីង យកចិត្តបំផុតបានឈានចូលដំណាក់កាលគន្លឹះបំផុត។ ហេតុនេះលោកបានចុះពិនិត្យ ការងារដោយផ្ទាល់ខ។
គោលដៅទី២ នៃដំណើរចុះត្រួតពិនិត្យរបស់លោក ស៊ី ជីនភីង នាថ្ងៃដដែលនោះ លោកបានអញ្ជើញទៅដល់ កំណាត់ទន្លេលឿងក្នុងសង្កាត់ Wuzhong ដើម្បីស្វែងយល់ពីសភាពការណ៍អភិរក្សាបរិស្ថានទន្លេលឿងក្នុងតំបន់។
ថ្ងៃដដែល លោក ស៊ី ជីនភីង បានអញ្ជើញចុះត្រួតពិនិត្យ ការងារនៅសហគមន៍Jinhuayuan ឃុំ Jinxing ខណ្ឌ Litong ក្រុង Wuzhong ។ កាលពីឆ្នាំទៅមិញ សហគមន៍នេះត្រូវជ្រើសរើសជា «សហគមន៍គំរូនៃសាមគ្គីភាព ពហុជនជាតិទូទាំងប្រទេសចិន»។
ខេត្តនីងស្យា មានជនជាតិភាគតិចចំនួនជាង ៤០ ជាតំបន់ប្រជប់ជុំសម្រាប់ជនជាតិ Hui ដ៏ធំបំផុតក្នុងប្រទេសចិន។ សហគមន៍ Jinhuayuan គឺជាទិដ្ឋភាពដ៏រស់រវើកមួយបង្ហាញពីការរួមរស់ដោយសុខដុមរមនាពហុជនជាតិនៃខេត្ត នីងស្យា។ ក្នុងសហគមន៍Jinhuayuan លោកស៊ី ជីនភីង បានថ្លែងថា “ការលុបបំបាត់ភាពក្រីក្រកសាង សង្គមដែលប្រជាជនមានជីវភាពធូរធារបង្គួរដោយគ្រប់ជ្រុងជ្រោយ ធ្វើទំនើបភាវូបនីយកម្ម គឺមិនអាចខ្វះជនជាតិ ណាមួយទេ យើងត្រូវចាប់ដៃរួមគ្នាដើរឆ្ពោះទៅមុខ។ នេះមិនគ្រាន់តែបង្ហាញពី អរិយធម៌របស់ជនជាតិចិន ដែលមានប្រវត្តិសាស្ត្រ ៥ពាន់ឆ្នាំប៉ុណ្ណោះទេ ក៏បង្ហាញពីឧត្តមភាពនៃ របបសង្គមនិយម ដែលមានលក្ខណៈពិសេសរបស់ប្រទេសចិនផងដែរ” ។
ការលុបបំបាត់ភាពក្រីក្រ គឺមិនអាចខ្វះជនជាតិណាមួយទេ នេះជាឃ្លាដែលលោកអគ្គលេខាធិការមជ្ឈឹមបក្សកុម្មុយនិសចិន តែងតែលើកឡើង។ ឈរលើទំព័រប្រវត្តិសាស្ត្រនាឆ្នាំ ២០២០ នេះ ឃ្លាមួយម៉ាត់នេះកាន់តែប៉ះខ្លាំង ដល់ដួងចិត្តរបស់មនុស្សគ្រប់រូប ធ្វើឱ្យអ្នកផងទាំងពួងចាប់អារម្មណ៍កាន់តែខ្លាំង៕
