សេអ៊ូល៖ អាជ្ញាធរសុខាភិបាល បានព្រមានកាលពីថ្ងៃច័ន្ទថា ប្រទេសកូរ៉េខាងត្បូង អាចប្រឈមនឹងរលកការផ្ទុះឡើងនៃជំងឺកូវីដ-១៩ថ្មីមួយទៀត ក្នុងរយៈពេលមួយខែនេះ ដោយសារការឆ្លងមេរោគចង្កោម មិនមានសញ្ញានៃការថយ ចុះហើយការប្រមូលផ្តុំនៅចុងឆ្នាំ អាចបង្កភាពស្មុគស្មាញ ដល់ការប្រយុទ្ធប្រឆាំង នឹងមេរោគរបស់ប្រទេសនេះ។
ករណីឆ្លងវីរុសថ្មីនៃប្រទេសនេះ បានកើនលើស ២០០ សម្រាប់រយៈពេល ៣ថ្ងៃជាប់ៗគ្នាខណៈដែលការឆ្លងមេរោគចង្កោមនៅទូទាំងប្រទេស បានកើនឡើង ដែលជំរុញឱ្យអាជ្ញាធរសុខាភិបាល ពិចារណាយ៉ាងខ្លាំង ក្នុងការបង្កើនវិធានការណ៍ឃ្លាតឆ្ងាយ ពីសង្គមរបស់ប្រទេសមួយនេះ។
យោងតាមទីភ្នាក់ងារត្រួតពិនិត្យ និងបង្ការជំងឺកូរ៉េ (KDCA) បានឱ្យដឹងថា ប្រទេសនេះបានរាយការណ៍ អំពីជំងឺកូវីដ-១៩ ចំនួន ២២៣ ករណីបន្ថែមទៀត ក្នុងនោះមានការឆ្លងក្នុង តំបន់ចំនួន ១៩៣ ករណី ដែលបង្កើនចំនួនសរុបដល់ ២៨,៧៦៩ករណី ។
ការឆ្លងមេរោគប្រចាំថ្ងៃបានស្ថិតនៅក្នុងខ្ទង់ ៣ដងក្នុងរយៈពេល ៩ថ្ងៃជាប់ៗគ្នាដោយមានករណីលើសពី ២០០ នាក់ជាលើកដំបូងក្នុងរយៈពេល ៧៣ ថ្ងៃកាលពីថ្ងៃសៅរ៍៕
ដោយ ឈូក បូរ៉ា
