ព័ត៌មានអន្តរជាតិ

លោក គីម ជុងអ៊ុន ឆេះដុំ ក្រោយលោក ត្រាំ ហៅលោកថា ជាបុរសរ៉ុក្កែត ជាថ្មីម្ដងទៀត

សេធ៊ូល៖ ជំនួយការជិតស្និទ្ធ របស់មេដឹកនាំកូរ៉េខាងជើង លោកគីម ជុងអ៊ុន កាលពីថ្ងៃព្រហស្បតិ៍ បានថ្កោលទោស ប្រធានាធិបតីអាមេរិក លោក ដូណាល់ ត្រាំ ដែលហៅលោកថា ជាបុរសរ៉ូកែតជាថ្មីម្តងទៀត ដោយថាវាតំណាង ឱ្យបញ្ហាប្រឈមដ៏គ្រោះថ្នាក់បំផុត។

អនុរដ្ឋមន្រ្តីក្រសួងការបរទេសទីមួយ លោក Choe Son Hu បានឲ្យដឹង នៅក្នុងសេចក្តីថ្លែងការណ៍មួយថា “អ្វីដែលធ្វើឱ្យយើង មានអារម្មណ៍អាក្រក់ជាងនេះទៀតនោះ គឺថាគំរូនៃរូបរាង ត្រូវបានគេប្រើដោយចៃដន្យ ដោយគ្មានសុជីវធម៌ នៅពេលនិយាយ អំពីភាពជាអ្នកដឹកនាំកំពូល នៃសេចក្តីថ្លៃថ្នូររបស់កូរ៉េខាងជើង” ។

កាលពីដើមសប្តាហ៍នេះ លោក ត្រាំ បានប្រាប់អ្នកយកព័ត៌មាន នៅទីក្រុងឡុងដ៌ថាលោក គីម “ចូលចិត្តបាញ់បញ្ជូនរ៉ុក្កែតមែនទេ? នោះហើយជាមូលហេតុ ដែលខ្ញុំហៅលោកថា Rocket Man” ដោយប្រើកម្លាំងយោធាប្រទេស របស់លោកប្រឆាំងនឹងកូរ៉េខាងជើង ប្រសិនបើចាំបាច់៕ ដោយ៖ ឈូក បូរ៉ា

To Top