បាដាដ៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី៨ ខែធ្នូ ឆ្នាំ២០ឥ១៩ថា មន្ត្រីក្រសួងមហាផ្ទៃមួយរូប បានឲ្យដឹងកាលពីថ្ងៃសៅរ៍ថា មនុស្សរហូតដល់២៣នាក់ ត្រូវបានគេសម្លាប់ និង១៣៧នាក់ផ្សេងទៀត បានរងរបួសនៅក្នុងពេល មានការវាយ ប្រហារមកលើក្រុមបាតុករ នៅរដ្ឋធានីបាដាដ របស់ប្រទេសអ៊ីរ៉ាក់ ។
មន្ត្រីបានប្រាប់ដល់ទីភ្នាក់ងារស៊ិនហួ សុំមិនបញ្ចេញឈ្មោះបានឲ្យដឹងថា “តួលេខ នៃអ្នកស្លាប់ចុងក្រោយ ក្នុង អំពើវាយប្រហារដោយខ្មាន់កាំភ្លើង មិនស្គាល់អត្តសញ្ញាណ មកលើក្រុមបាតុករជាច្រើន កាលពីល្ងាចថ្ងៃសុក្រ គឺមានចំនួន២៣នាក់ និង១៣៧នាក់ផ្សេងទៀតបានរងរបួស” ។
គួររំលឹកថា កាលពីល្ងាចថ្ងៃសុក្រ ខ្មាន់កាំភ្លើងជាច្រើននាក់មិនស្គាល់ អត្តសញ្ញាណ បានជិះរថយន្តកង់បួន និង រថយន្តប្រភេទពិកអាប់ បានចូលមកទីលាន al-Khalani នៅភាគកណ្តាលក្រុងបាដាដ និងបានបើកការបាញ់ ប្រហារជាច្រើនគ្រាប់មកលើ ក្រុមបាតុករជាច្រើននាក់ ៕
ប្រែសម្រួលដោយ៖ ម៉ៅ បុប្ផាមករា
