វ៉ាស៊ីនតោន៖ រដ្ឋមន្រ្តីក្រសួងការពារជាតិសហរដ្ឋអាមេរិក លោក Mark Esper បានឲ្យដឹងកាលពីថ្ងៃពុធថា ប្រទេសកូរ៉េខាងជើង ព្យាយាមដើម្បីទទួលបានភាពស្របច្បាប់ ដោយការអភិវឌ្ឍសមត្ថភាព មីស៊ីលនុយក្លេអ៊ែរ និងមីស៊ីលផ្លោងរបស់ខ្លួន។
លោក Esper បានធ្វើការកត់សម្គាល់ នៅក្នុងសេចក្តីថ្លែងការណ៍ ជាលាយលក្ខណ៍អក្សរ ទៅកាន់គណៈកម្មាធិការ សេវាកម្មប្រដាប់អាវុធសភា មុនពេលបើកសវនាការ លើសំណើថវិកាឆ្នាំ២០២១ របស់មន្ទីរបញ្ចកោណ។
លោកបានបញ្ជាក់ថា“ ប្រទេសកូរ៉េខាងជើង ស្វែងរកការបង្កើតភាពស្របច្បាប់ តាមរយៈការអភិវឌ្ឍអាវុធនុយក្លេអ៊ែរធម្មតា និងមិនធម្មតា និងតាមរយៈការបង្កើនសមត្ថភាពមីស៊ីលផ្លោង” ។ កម្លាំងរបស់យើងនៅឧបទ្វីបកូរ៉េ នៅតែស្ថិតក្នុងស្ថានភាពត្រៀមខ្លួនខ្ពស់ រួមជាមួយសមភាគីកូរ៉េខាងត្បូងរបស់យើង។ ទន្ទឹមនឹងនេះយើង គាំទ្រការខិតខំប្រឹងប្រែងការទូត ដើម្បីនាំមកនូវសន្តិភាពយូរអង្វែង នៅក្នុងប្រទេសកូរ៉េ យើងនៅតែត្រៀមប្រយុទ្ធ ជាស្រេច”៕ ដោយ៖ ឈូក បូរ៉ា
