មេបញ្ជាការ របស់កងកម្លាំងឆ្មាំ បដិវត្តឥស្លាមអ៊ីរ៉ង់ថា វីរុសកូវីដ១៩ អាចជាលទ្ធផល នៃការវាយប្រហារជីវសាស្ត្រ ពីសហរដ្ឋអាមេរិក

បរទេស៖ យោងតាមទីភ្នាក់ងារសារព័ត៌មាន ក្នុងស្រុកមួយបានអោយដឹងថា មេបញ្ជាការ នៃក្រុមឆ្មាំបដិវត្តឥស្លាមអ៊ីរ៉ង់ (IRGC) បាននិយាយថា វីរុសកូរ៉ូណា ឬកូវីដ១៩ អាចជាលទ្ធផល នៃការវាយប្រហារជីវសាស្ត្រ ពីសហរដ្ឋអាមេរិក។

យោងតាមសារព័ត៌មាន Fox News ចេញផ្សាយកាលពីថ្ងៃទី៥ ខែមីនា ឆ្នាំ២០២០ បានឱ្យដឹងថា ឧត្តមសេនីយ៍ Hossein Salami ដែលធ្លាប់បានប្តេជ្ញាថានឹង“ សំអាតភពផែនដីពីភាពកខ្វក់” របស់អ៊ីស្រាអែល និងសហរដ្ឋអាមេរិកនោះ ។

ទីភ្នាក់ងារសារព័ត៌មាន Student’s News បានរាយការណ៍ថា លោក Salami បាននិយាយថា វីរុសនេះអាចជាផល នៃការលុកលុយជីវសាស្ត្ររបស់អាមេរិក។ ការចុះផ្សាយព័ត៌មាននេះ ក៏រួមបញ្ចូលទាំងការអត្ថាធិប្បាយរបស់លោក នៅក្នុងសារធ្វីតមួយ ដែលបានផ្សាយនៅព្រឹកថ្ងៃព្រហស្បតិ៍ ម៉ោងនៅសហរដ្ឋអាមេរិកផងដែរ៕ ប្រែសម្រួលៈ ណៃ តុលា