សេអ៊ូល៖ ក្រសួងការបរទេសបានឲ្យដឹងថា សរុបចំនួន ១២៣ ប្រទេស និងដែនដី កំពុងរឹតត្បិតការចូល ឬអនុវត្តវិធានការណ៍ដាក់ឲ្យនៅដាច់ឆ្ងាយសម្រាប់ ប្រជាជនមកពីប្រទេសកូរ៉េខាងត្បូង លើបញ្ហាដែលទាក់ទង នឹងវីរុសកូរ៉ូណានេះ។
គិតត្រឹមម៉ោង ១០ ព្រឹកនេះ ប្រទេស និងទឹកដីចំនួន ៤៧ កំពុងមានគម្រោងដាក់ ឬអនុវត្តការហាម ឃាត់ការចូលមកលើប្រជាជន ដែលបានស្នាក់នៅក្នុងប្រទេសកូរ៉េ យ៉ាងហោចណាស់ក្នុងរយៈពេលពីរសប្តាហ៍កន្លងមកនេះ។
ប្រទេសម៉ាឡេស៊ីត្រូវបានផ្លាស់ប្តូរ ទៅក្នុងបញ្ជីនេះខណៈដែលខ្លួនកំពុងពង្រីកវិសាលភាព នៃការហាមឃាត់ការចូលរបស់ខ្លួនពីផ្នែកខ្លះនៃប្រទេសកូរ៉េ ទៅកាន់ប្រទេសទាំងមូល ចាប់ពីថ្ងៃសុក្រ។
ប្រទេសហ្គាតេម៉ាឡា ម៉ុងតេណេហ្គ្រោ នៅតំបន់បាល់កង់និងម៉ុលដាវី នៅអឺរ៉ុបខាងកើត ក៏បានចូលរួមក្នុងបញ្ជីនេះដែរដោយមានករណីលើកលែងមួយចំនួនត្រូវបានអនុវត្តចំពោះជនបរទេសដែលមានការអនុញ្ញាតឱ្យស្នាក់នៅ៕ដោយ ឈូក បូរ៉ា
