ព័ត៌មានអន្តរជាតិ

អឺរ៉ុប ដាក់បម្រាមធ្វើដំណើររយៈពេល ៣០ថ្ងៃ អំឡុងពេលការរីករាលដាលខ្លាំង របស់ជំងឺកូវីដ១៩

បរទេស៖ អធិការបតីអាល្លឺម៉ង់លោកស្រី អេនជេឡា ម៉ាគែល បានប្រកាសនៅថ្ងៃអង្គារថា សហគមន៍អឺរ៉ុបនឹងបិទព្រំដែនខាងក្រៅរបស់ខ្លួន និងបង្កើតការហាមឃាត់ការចូលរយៈពេល ៣០ ថ្ងៃ ដើម្បីប្រឆាំងនឹងការរីករាលដាលនៃមេរោគឆ្លងកូវីដ១៩។

យោងតាមសារព័ត៌មាន Sputnik ចេញផ្សាយនៅថ្ងៃទី១៨ ខែមីនា ឆ្នាំ២០២០ បានឱ្យដឹងថា យោងតាមសារព័ត៌មាន The Telegraph គឺថា លោកស្រី ម៉ាគែល បានបង្ហាញថា បណ្តាប្រទេសជាសមាជិកសហភាពអឺរ៉ុបបាន “យល់ព្រមដើម្បីហាមឃាត់ការចូល” ដែលផ្តល់ការលើកលែងការធ្វើដំណើរដល់ជនជាតិនៃបណ្តាប្រទេសនៃសមាគមពាណិជ្ជកម្មសេរីអឺរ៉ុប និងអង់គ្លេស។

ប្រធានគណៈកម្មាធិការអឺរ៉ុបលោកស្រី Ursula von der Leyen បានបង្ហាញនៅក្នុងសន្និសីទកាសែតថ្ងៃទី ១៧ ខែមីនាថា វានឹងជាទំនួលខុសត្រូវរបស់មេដឹកនាំប្លុក ក្នុងការបង្កើតការបិទព្រំដែនរបស់ប្រទេសរបស់ពួកគេ។

លោកស្រីត្រូវបានទីភ្នាក់ងារសារព័ត៌មានរ៉យទ័រ ស្រង់សម្តីថា “ សត្រូវគឺជាវីរុសហើយឥឡូវនេះយើងត្រូវធ្វើឱ្យអស់ពីសមត្ថភាពដើម្បីការពារប្រជាជនរបស់យើង និងការពារសេដ្ឋកិច្ចរបស់យើង” ។ យើងត្រៀមខ្លួនធ្វើអ្វីគ្រប់យ៉ាងដែលចាំបាច់។ យើងនឹងមិនស្ទាក់ស្ទើរក្នុងការចាត់វិធានការបន្ថែមនៅពេលដែលស្ថានភាពកំពុងវិវត្តនោះទេ៕ប្រែសម្រួលៈ ណៃ តុលា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top