ព័ត៌មានអន្តរជាតិ

ចិនរកឃើញ ករណីឆ្លងថ្មីវីរុសកូវីដ១៩ នាំចូលពីក្រៅប្រទេស ៤៥ករណី

បរទេស ៖ អាជ្ញាធរសុខាភិបាលចិន បាននិយាយនៅថ្ងៃអាទិត្យនេះថា ខ្លួនបានទទួលរបាយការណ៍ នៃករណីឆ្លងថ្មី នៃវីរុសកូវីដ១៩ ចំនួន ៤៦ករណី នៅលើដីគោកចិន កាលពីថ្ងៃសៅរ៍ ដែលក្នុងនោះ មានចំនួន ៤៥ ករណីត្រូវបាន នាំចូលពីបរទេស។

យោងតាមទីភ្នាក់ងារ ព័ត៌មានចិនស៊ិនហួ ចេញផ្សាយនៅថ្ងៃទី២២ ខែមីនា ឆ្នាំ២០២០ បានឱ្យដឹងថា ក្នុងចំណោមករណីនាំចូល ទាំងនោះ គឺមាន ១៤ ករណីនៅសៀងហៃ, ១៣ ករណីនៅទីក្រុងប៉េកាំង , ៧ ករណីនៅខេត្តក្វាងទុង , ៤ ករណីនៅខេត្តហ្វូជាន, និង ២ ករណីនៅខេត្តជាំងស៊ូ។ ខេត្ត Hebei, Zhejiang, Jiangxi, Shandong និង Sichuan បានរាយការណ៍ ករណីមួយករណីរៀងៗខ្លួន។ យោងតាមគណៈកម្មការ សុខភាពជាតិ បានឱ្យដឹងថា គិតត្រឹមល្ងាចថ្ងៃសៅរ៍ មានករណីនាំចូល ចំនួន ៣១៤ ករណី។

ដូចគ្នានេះផងដែរ កាលពីថ្ងៃសៅរ៍ ការស្លាប់ចំនួន ៦ នាក់ និងករណីសង្ស័យថ្មីចំនួន ៤៥ ត្រូវបានគេរាយការណ៍ នៅលើដីគោក ដោយមានមនុស្ស ៥ នាក់បានស្លាប់ នៅក្នុងខេត្តហ៊ូប៉ី។

កាលពីថ្ងៃសៅរ៍មនុស្សចំនួន ៥០៤ នាក់ត្រូវបានរំសាយចេញ ពីមន្ទីរពេទ្យ បន្ទាប់ពីបានជាសះស្បើយ ខណៈពេលដែលចំនួនករណី ធ្ងន់ធ្ងរបានថយចុះពី ១១៨ មកនៅ ១.៨៤៥ នាក់៕
ប្រែសម្រួលៈ ណៃតុលា

To Top