សេអ៊ូល៖ ក្រសួងការបរទេសបានឲ្យដឹងថាប្រទេសកូរ៉េខាងត្បូង បានអំពាវនាវឱ្យប្រទេសជប៉ុន អនុញ្ញាតឱ្យមានការធ្វើទស្សនកិច្ចចាំបាច់ដោយពាណិជ្ជករ នៅពេលដែលទីក្រុងតូក្យូ ត្រូវបានគេកំណត់ឱ្យរឹតបន្តឹងការចូលដើម្បីរារាំងការរីករាលដាលនៃវីរុសកូវីដ-១៩។
លោក Kim Jung-han អគ្គនាយកទទួលបន្ទុកកិច្ចការអាស៊ី និងប៉ាស៊ីហ្វិក បានធ្វើការអំពាវនាវក្នុងអំឡុងខ្សែវីដេអូឃ្លីបមួយជាមួយសមភាគីជប៉ុនរបស់លោក គឺលោក Shigeki Takizaki នៅពេលដែលទីក្រុងតូក្យូ ត្រូវបានគេកំណត់ឱ្យអនុវត្តការហាមឃាត់ការចូលជនបរទេសពីប្រទេសចំនួន ៤៩ និងដែនដីបន្ថែម រួមទាំងប្រទេសកូរ៉េខាងត្បូង និងសហរដ្ឋអាមេរិក ដែលចាប់ផ្តើមនៅថ្ងៃសុក្រនេះ។
ក្រសួងបានឲ្យដឹងនៅក្នុងសេចក្តីប្រកាសព័ត៌មានមួយថា“ លោកអគ្គនាយកបានលើកឡើងពីភាពចាំបាច់ធ្វើឱ្យមាន តុល្យភាព ដើម្បីបើកដំណើរទស្សនកិច្ច សម្រាប់គោលបំណងមនុស្សធម៌ និងដំណើរទស្សនកិច្ចចាំបាច់ដោយពាណិជ្ជកររបស់ យើងទោះបីជាមានវិធានការប្រឆាំងនឹងការឆ្លងកាន់តែខ្លាំងក៏ដោយ” ៕
ដោយ ឈូក បូរ៉ា
