ព័ត៌មានអន្តរជាតិ

រុស្ស៊ីត្រៀមលក្ខណៈ រួចរាល់ដើម្បីពិភាក្សាបញ្ហាមីស៊ីល លឿនជាងសម្លេង ជាមួយ អាមេរិក

បរទេស៖ទីភ្នាក់ងារសារព័ត៌មានរុស្ស៊ី RIA បានដកស្រង់សម្តីរដ្ឋមន្ត្រីការបរទេសររុស្ស៊ី លោក Sergei Lavrov នៅថ្ងៃអង្គារនេះថា ប្រទេសរុស្ស៊ី បានត្រៀមលក្ខណៈរួចរាល់ ដើម្បីធ្វើកិច្ចពិភាក្សាគ្នាអំពី បញ្ហាមីស៊ីលលឿនជាងសម្លេង ជាមួយសហរដ្ឋអាមេរិក ក្នុងបរិបទស្ថិរភាពយុទ្ធសាស្ត្រ។

យោងតាមសេចក្តីរាយការណ៍ ពីទីភ្នាក់ងារសារព័ត៌មាននានា បានឲ្យដឹងថា លោករដ្ឋមន្ត្រីការបរទេសរុស្ស៊ី រូបនេះ បានមានប្រសាសន៍ថា លោកនឹងពិភាក្សា គ្នាតាមទូរស័ព្ទ ជាមួយរដ្ឋមន្ត្រីការបរទេសអាមេរិក គឺលោក Mike Pompeo នៅក្នុងពេលប៉ុន្មានថ្ងៃខាងមុខនេះ។

គួរបញ្ជាក់ថា នៅក្នុងខែសីហា ឆ្នាំ២០១៩ សហរដ្ឋអាមេរិក បានដកខ្លួនចេញពីសន្ធិសញ្ញាអាវុធ យុទ្ធសាស្ត្រដ៏សំខាន់មួយ ដែលមានឈ្មោះថា សន្ធិសញ្ញាកងកម្លាំងនុយក្លេអ៊ែ មានចម្ងាយវាយប្រហារមធ្យម ហៅកាត់ថា INF ហើយនេះជាការបន្ថែមភាពតានតឹង រវាងអតីតសត្រូវ សង្គ្រាមត្រជាក់ទាំងពីរ៕

ប្រែសម្រួល៖ប៉ាង កុង

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top