ព័ត៌មានអន្តរជាតិ

ពលរដ្ឋជប៉ុន ៨២% ចង់ឲ្យរដ្ឋាភិបាល ផ្ដល់សំណង សម្រាប់អាជីវកម្ម អំឡុងជំងឺកូវីដ-១៩

តូក្យូ៖ ការស្ទង់មតិរបស់ទីភ្នាក់ងារ សារព័ត៌មានក្យូដូជប៉ុន បានឲ្យដឹងថា ប្រជាជនជាង ៨០ ភាគរយជឿជាក់ថា រដ្ឋាភិបាល គួរតែផ្តល់សំណងដល់អាជីវកម្ម ដែលបានអនុវត្ត តាមការស្នើសុំ ដើម្បីបញ្ឈប់ប្រតិបត្តិការក្នុងការឆ្លើយតប ទៅនឹងការកើនឡើង នៃការឆ្លងមេរោគវីរុសកូវីដ-១៩ នៅទីក្រុងតូក្យូ និងផ្នែកផ្សេងទៀតនៃប្រទេសជប៉ុន។

នៅក្នុងការស្ទង់មតិតាមទូរស័ព្ទទូទាំង ប្រទេសរយៈពេល ៤ ថ្ងៃគិតពីថ្ងៃច័ន្ទអ្នកឆ្លើយសំណួរ ៨០,៤ ភាគរយបាននិយាយថា ការប្រកាសរបស់លោកនាយករដ្ឋមន្ត្រីស៊ីនហ្សូ អាបេ ស្តីពីស្ថានភាពអាសន្នកាលពីសប្តាហ៍មុននៅទីក្រុងតូក្យូអូសាកា និងអាណាខេត្តចំនួន ៥ ផ្សេងទៀតបានយឺតពេលទៅហើយ។

នៅក្នុងការឆ្លុះបញ្ចាំងពីការរិះគន់បែបនេះការវាយតម្លៃ នៃការយល់ព្រមជាសាធារណៈ សម្រាប់គណៈរដ្ឋមន្រ្តី របស់លោក អាបេ បានធ្លាក់ចុះ ៥,១ ភាគរយពីការស្ទង់មតិមុន នៅចុងខែមីនា ដល់ ៤០,៤ ភាគរយ។ អត្រាការមិនពេញចិត្ត បានឈានដល់ ៤៣ ភាគរយដែលនេះជាលើកទី ១ ហើយដែលវាបានកើនលើសអត្រាអនុម័ត ចាប់តាំងពីពាក់កណ្តាលខែកុម្ភៈ ៕
ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top