ព័ត៌មានអន្តរជាតិ

កងកម្លាំង រុស្ស៊ីនិងតួកគី ធ្វើប្រតិបត្តិការ ល្បាត ច្រករបៀង សំខាន់ស៊ីរី ដើម្បីរក្សា បទឈប់បាញ់គ្នា

បរទេស៖កងកម្លាំងយោធារបស់ ប្រទេសតួកគីនិងរុស្ស៊ី នៅថ្ងៃពុធសប្ដាហ៍នេះ តាមសេចក្តីរាយការណ៍ បានធ្វើប្រតិបត្តិការល្បាតរួមគ្នាលើកទី៤ ក្នុងរយៈពេលមួយខែ នៅតំបន់ភាគពាយព្យដ៏មានភាពចម្រូងចម្រាស់ របស់ប្រទេសស៊ីរី ដើម្បីពិនិត្យមើលបទឈប់បាញ់គ្នា។ 

យោងតាមសេចក្តីរាយការណ៍មួយ ដែលចេញផ្សាយដោយទីភ្នាក់ងារសារព័ត៌មាន UPI នៅថ្ងៃទី១៥ ខែមេសា ឆ្នាំ២០២០ បានឲ្យដឹងថា មជ្ឈមណ្ឌលផ្សះផ្សារុស្ស៊ីប្រចាំស៊ីរី ដែលជាផ្នែកនៃយោធារបស់ទីក្រុងមូស្គូ ក៏បាននិយាយផងដែរថា កងទ័ពបានធ្វើប្រតិបត្តិការល្បាត។ 

គួរបញ្ជាក់ថា ប្រតិបត្តិការល្បាតរួមគ្នាលើកទី៤រវាងរុស្ស៊ីនិងតួកគីនេះ គឺត្រូវបានធ្វើឡើង នៅថ្ងៃពុធ ដោយមានយន្តហោះនិងរថយន្តលើផ្លូវ M4 ក្នុងខេត្ត Idlib ប្រទេសស៊ីរី ជាផ្នែកនៃកិច្ចព្រមព្រៀង  TR-RF នេះបើយោងតាមសេចក្តីថ្លែងការណ៍មួយ ពីក្រសួងការពារជាតិតួកគី៕ ប្រែសម្រួល៖ប៉ាង កុង 

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top