ព័ត៌មានអន្តរជាតិ

ចិនបន្តច្រានចោល ចំពោះការចោទប្រកាន់ របស់អាមេរិក អំពីការលាក់បាំង ព័ត៌មានអំពីវីរុសកូរ៉ូណា

បរទេស៖ ប្រធានាធិបតីអាមេរិក លោក ដូណាល់ត្រាំ ក៏ដូចជារដ្ឋមន្រ្តីក្រសួង ការបរទេសលោក Mike Pompeo បានចោទ ជាសំណួរ ដោយបើកចំហរ ចំពោះភាពស្មោះត្រង់ របស់ចិន និងភាពត្រឹមត្រូវ នៃទិន្នន័យដែលរដ្ឋាភិបាល ក្រុងប៉េកាំង បានផ្តល់ទាក់ទងនឹង វិសាលភាព នៃការរាតត្បាតជំងឺ COVID-១៩ នៅក្នុងប្រទេសនេះ។ ចិនបានបដិសេធ ដាច់ខាត ចំពោះការចោទ ប្រកាន់បែបនេះ។

យោងតាមសារព័ត៌មាន Sputnik ចេញផ្សាយនៅថ្ងៃទី១៧ ខែមេសា ឆ្នាំ២០២០ បានឱ្យដឹងថា អ្នកនាំពាក្យក្រសួង ការបរទេសរបស់ប្រទេសចិន លោក Zhao Lijian បាននិយាយនៅថ្ងៃសុក្រថា ខ្លួនមិនដែលមានការលាក់បាំង នៃការឆ្លងវីរុសកូរ៉ូណា ឬ COVID-១៩ នៅក្នុងប្រទេសចិន នោះទេព្រោះថា រដ្ឋាភិបាលមិន ដែលអនុញ្ញាត ឱ្យមានការបិទបាំងអ្វីទាំងអស់។

ថ្លែងទៅកាន់អ្នកសារព័ត៌មាន នៅក្នុងសន្និសីទ សារព័ត៌មានប្រចាំថ្ងៃលោក Zhao បាននិយាយថា ការកែប្រែ ករណីវីរុសកូរ៉ូណា នៅវូហានដែលវីរុសនេះ មានដើមកំណើតគឺ ជាការអនុវត្តអន្តរជាតិ ទូទៅមួយ។

សេចក្តីថ្លែងការណ៍នេះធ្វើឡើងបន្ទាប់ពីការកែតម្រូវ របស់អាជ្ញាធរសុខភាពក្រុង វូហាន ចំពោះការរាយការណ៍មិនត្រឹមត្រូវ ការពន្យារពេល និង ការលុបបំបាត់ចោល ដែលបានកែប្រែចំនួនអ្នកស្លាប់ កើនដល់ ៥០ ភាគរយ។

ផ្ទាំងពាណិជ្ជកម្ម

សូមជម្រាបថា ប្រទេសចិន បានប្រឈមមុខ នឹងការចោទប្រកាន់ ពីសហរដ្ឋអាមេរិកម្តង ហើយម្តងទៀតថា បានដកហូតទិន្នន័យ ដែលទាក់ទងទៅនឹង ស្ថានភាពជំងឺឆ្លង នៅក្នុងប្រទេសនេះ។

ថ្មីៗនេះលោកប្រធានាធិបតី ត្រាំ បានកាត់បន្ថយថវិកា ដល់អង្គការ សុខភាពពិភពលោក ដែលលោកបាន ចោទប្រកាន់ថា បានឃុបឃិត ជាមួយប្រទេសចិន ដើម្បីលាក់បាំង ការពិតអំពីវីរុសនេះ។

ប្រទេសចិន បានថ្កោល ទោសម្តង ហើយម្តងទៀត ចំពោះការចោទប្រកាន់ របស់សហរដ្ឋអាមេរិក ដែលមិនចេះខ្មាស់អៀន ដោយកត់សម្គាល់ថា រដ្ឋាភិបាលទីក្រុង ប៉េកាំង បានធ្វើអ្វីគ្រប់យ៉ាង ដើម្បីបើកចំហតម្លាភាព និងគណនេយ្យភាព ទាក់ទងនឹង ការរីករាលដាល នៃជំងឺរាតត្បាតនេះ៕

To Top