ព័ត៌មានអន្តរជាតិ

ការនាំចេញ របស់កូរ៉េខាងត្បូង ធ្លាក់ចុះ ២៧ភាគរយ ក្នុងរយៈពេល ២០ថ្ងៃដំបូងខែមេសា

សេអ៊ូល៖ ទិន្នន័យគយ បានបង្ហាញ នៅថ្ងៃអង្គារនេះថា ការនាំចេញ របស់កូរ៉េខាងត្បូង បានធ្លាក់ចុះ ២៧ ភាគរយ ក្នុងរយៈពេល ២០ ថ្ងៃដំបូង នៃខែមេសា ចំពេលមានការផ្ទុះឡើង នៃការឆ្លងរាតត្បាតវីរុសកូវីដ-១៩ ។

យោងតាមទិន្នន័យពីសេវាកម្មគយកូរ៉េបានឱ្យដឹងថា ការនាំចេញទៅក្រៅប្រទេសរបស់ប្រទេសនេះ បានធ្លាក់ចុះ ២៦,៩ ភាគរយក្នុងរយៈពេលពីថ្ងៃទី ១ ដល់ ២០ ខែមេសា មកនៅត្រឹម ២១,៧ ពាន់លានដុល្លារអាមេរិក។

ការនាំចេញជាមធ្យមប្រចាំថ្ងៃ ក្នុងរយៈពេល ២០ ថ្ងៃក៏បានធ្លាក់ចុះ ១៦,៨ ភាគរយធៀប នឹងឆ្នាំមុន ។ ទិន្នន័យនេះបានកើតឡើង ចំពេលមានក្តីបារម្ភកាន់ តែខ្លាំងឡើងដែលថា ជំងឺរាតត្បាតឆ្លងរាលដាល កំពុងធ្វើឱ្យប៉ះពាល់ដល់ការនាំ ចេញរបស់ប្រទេស ដែលមានសេដ្ឋកិច្ចធំលំដាប់ទី៤ នៅអាស៊ីមួយនេះ ៕
ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top