ព័ត៌មានអន្តរជាតិ

កូរ៉េខាងត្បូង​ រំពឹងថានឹងក្លាយជា សមាជិកឈរជេីង នៃក្រុមប្រទេស​ G7

សេអ៊ូល៖​ ប្រទេសកូរ៉េខាងត្បូង​  រំពឹងថានឹងក្លាយជាសមាជិកឈរជើងនៃក្រុមសេដ្ឋកិច្ចឈានមុខគេ​ G7 ដែលមិនមែនជាអ្នកសង្កេតការណ៍ បណ្តោះអាសន្នទៀតនោះទេ​ នៅពេលផែនការពាក់ព័ន្ធរបស់ ប្រធានាធិបតីអាមេរិកលោក​ ដូណាល់​ ត្រាំ​ ត្រូវបានអនុវត្តយ៉ាងរលូន។

ទស្សនវិស័យបានកើតឡើងនៅពេលដែលលោក ត្រាំ និងលោកប្រធានាធិបតី​ មូន​ ជេអ៊ីន​ បានយល់ព្រមបន្ថែមប្រទេសកូរ៉េខាងត្បូង​ ទៅក្នុងត្រកូលសមាជិកក្រុម 7 (G7) ក្នុងអំឡុងពេលជជែកតាមទូរស័ព្ទរបស់ មេដឹកនាំទាំងពីរ​ កាលពីថ្ងៃមុន។

 លោក​ ដូណាល់​ ត្រាំ កំពុងស្វែងរកបញ្ចូលប្រទេសរុស្ស៊ី​ អូស្ត្រាលី​ ឥណ្ឌា​ និងប្រហែលជាប្រេស៊ីលមួយទៀត​ នៅក្នុងក្លឹបដែលមានអាយុកាលយូរអង្វែងដែលលោកចាត់ទុកថាហួសកំណត់។   គួរបញ្ជាក់ថា​ សមាជិកដែលមានស្រាប់គឺសហរដ្ឋអាមេរិក​ ចក្រភពអង់គ្លេស​ កាណាដា​ បារាំង​ អាល្លឺម៉ង់​ អ៊ីតាលី​ និងជប៉ុន៕ដោយ​ ឈូក​ បូរ៉ា

To Top