សេអ៊ូល៖ កាសែតសំខាន់របស់កូរ៉េខាងជើង បានជំរុញប្រជាជនរបស់ខ្លួនឱ្យទទួលយកបច្ចេកវិទ្យាថ្មីពីបរទេស ដោយថាការជំរុញរបស់ប្រទេសនេះ ក្នុងគោលបំណងកសាងសេដ្ឋកិច្ចដ៏មានឥទ្ធិពល ដោយគ្មានជំនួយពីខាងក្រៅ មិនត្រូវបានកំណត់ដោយ“ ភាពផ្តាច់មុខ” នោះទេ ។
ប្រព័ន្ធផ្សព្វផ្សាយរដ្ឋរបស់ទីក្រុងព្យុងយ៉ាង បានសង្កត់ធ្ងន់លើសារៈសំខាន់នៃ “ភាពខ្លួនទីពឹងខ្លួន” ជាញឹកញាប់ចាប់តាំងពីមេដឹកនាំរបស់ខ្លួនលោក គីម ជុងអ៊ុន បានលេីកឡេីងកាលពីខែធ្នូថា លោករំពឹងថានឹងមិនមានការកាត់បន្ថយ ការដាក់ទណ្ឌកម្មពីសហរដ្ឋអាមេរិកទេ ហើយបានអំពាវនាវឱ្យមាន “របកគំហើញថ្មី” ដើម្បីដោះស្រាយបញ្ហាប្រឈម។
កាសែតផ្លូវការ Rodong Sinmun បានចុះផ្សាយថា “យើងត្រូវតែប្រយ័ត្នប្រយែងប្រឆាំងនឹងការជ្រៀតចូល និងការបែងចែកមនោគមវិជ្ជា ដែលប្រឆាំងនឹងមនោគមវិជ្ជានៃគណបក្សរបស់យើង ប៉ុន្តែយើងត្រូវតែទទួលយកនូវអ្វីដែលល្អ ឬជឿនលឿនក្នុងវិស័យសេដ្ឋកិច្ច អាស្រ័យលើកាលៈទេសៈរបស់យើង ហើយកែលម្អវាទៅតាមរសជាតិផ្ទាល់ខ្លួន”៕
ដោយ ឈូក បូរ៉ា