ព័ត៌មានអន្តរជាតិ

កូរ៉េខាងជើង ប្ដេជ្ញាអភិវឌ្ឍវិស័យឧស្សាហកម្មគីមី ដើម្បីពង្រឹងសេដ្ឋកិច្ចដោយខ្លួនឯង

ព្យុងយ៉ាង៖ ប្រព័ន្ធផ្សព្វផ្សាយរដ្ឋរាយការណ៍នៅថ្ងៃចន្ទ នេះថា មេដឹកនាំកូរ៉េខាងជើងលោក គីម ជុងអ៊ុន បានសន្យាអភិវឌ្ឍសេដ្ឋកិច្ច“ គ្រប់គ្រាន់ដោយ ខ្លួនឯង” តាមរយៈការលើកកម្ពស់ឧស្សាហកម្មគីមី ក្នុងគោលបំណងកាត់បន្ថយ ការពឹងផ្អែកលើប្រេងឆៅ។

ទីភ្នាក់ងារសារព័ត៌មានផ្លូវការរបស់កូរ៉េ បានចុះផ្សាយថាលោកគីម បានធ្វើការសន្យាក្នុងកិច្ចប្រជុំមួយ របស់ការិយាល័យនយោបាយនៃគណៈកម្មាធិការ កណ្តាលនៃគណបក្សពលករ ដែលបានធ្វើឡើងក្នុងរយៈ ពេលពីរថ្ងៃរហូតដល់ថ្ងៃអាទិត្យ។

ប្រធានគណបក្សរូបនេះ ត្រូវបានដកស្រង់សម្តីដោយប្រធានទីភ្នាក់ងារនេះថា“ ឧស្សាហកម្មគីមីត្រូវតែដំណើរការជាមុន ដើម្បីជំរុញ និងធានាដល់ ការអភិវឌ្ឍសេដ្ឋកិច្ចរបស់ប្រទេស”៕

ដោយ ឈូក បូរ៉ា

To Top