យន្តហោះ ទំលាក់គ្រាប់បែករុស្ស៊ី ២គ្រឿង រងការរំខានក្នុងចំងាយ ត្រឹមតែ៨ម៉ាល ពីព្រំដែនអាមេរិក

បរទេស៖ កាលពីព្រឹកថ្ងៃពុធម្សិលមិញនេះ យន្តហោះចម្បាំង របសអាមេរិកប្រភេទ F-22 ជាច្រើនគ្រឿង ត្រូវបានគេដឹងថា បានធ្វើដំណើរហោះ ទៅធ្វើការរំខានដលយន្តហោះ ទំលាក់គ្រាប់បែកជាច្រើនគ្រឿង របស់ប្រទេសរុស្ស៊ី ដែលបានធ្វើដំណើរមកដល់ឆ្នេរ ក្បែររដ្ឋអាឡាស្កា ត្រង់ចំណុចត្រឹមតែ៨ម៉ាលប៉ុណ្ណោះ ពីដែនអាកាស របស់សហរដ្ឋអាមេរិក។

សេចក្តីថ្លែងការណ៍នៅថ្ងៃដដែល ដោយអាមេរិកបានបញ្ជាក់ថា កងកម្លាំងនៃបញ្ជាការទ័ព NORAD និងយន្តហោះ R-22 របស់ខ្លួន ដែលត្រូវបានគាំទ្រ ដោយយន្តហោះ KC-135 Startotankers និងE-3 Airbone ព្រមទាំងប្រព័ន្ធព្រមានផង បានបញ្ចប់ការងាររបស់ខ្លួន ដើម្បីរំខានយន្តហោះ របស់រុស្ស៊ី បានទៅដល់២លើក។

យន្តហោះប្រភេទ ទំលាក់គ្រាប់បែក របស់ប្រទេសរុស្សីប្រភេទTu-95 ត្រូវបានគេមើលឃើញថា បានហោះតម្រង់មករកព្រំដែនអាមេរិក ដោយមានការគាំទ្រផ្លូវការអាកាស ដោយយន្តហោះចម្បាំង របស់រុស្សីប្រភេទ Su-35 ចំនួន២គ្រឿងផងដែរ៕

ប្រែសម្រួល៖ស៊ុនលី