ញូដេលី៖ ពេញមួយខែមេសា ប្រទេសឥណ្ឌានិងប៉ាគីស្ថាន បានចូលរួមក្នុងការបាញ់ប្រហារឆ្លងដែនឥតឈប់ឈរ ដែលបណ្តាលឱ្យមានមនុស្សស្លាប់ និងរបួសទាំងសងខាង។ ចូលដល់ខែឧសភា និងការប្រឈមមុខនឹងព្រំដែន ជាមួយប្រទេសចិន គឺបានចាប់យកចំណងជើងព័ត៌មាន នៅទូទាំងពិភពលោក។
យោងតាមសារព័ត៌មាន Sputnik ចេញផ្សាយនៅថ្ងៃទី១១ ខែមិថុនា ឆ្នាំ២០២០ បានឱ្យដឹងថា មេបញ្ជាការកងទ័ពជើងទឹក ឥណ្ឌាលោកឧត្តមនាវី Karaarair Singh បានបញ្ជាក់ជាថ្មីម្តងទៀតនូវការ ត្រៀមខ្លួនរបស់ឥណ្ឌាក្នុងការដោះស្រាយ រាល់បញ្ហាប្រឈម ខណៈភាពតានតឹងនៅតាមព្រំដែន ជាមួយចិននិងប៉ាគីស្ថាន នៅតែធ្ងន់ធ្ងរ។
លោកបានបន្តថា «នាវារបស់យើង នាវាមុជទឹក នាវាចម្បាំង និងកងអនុសេនាធំអាកាស បានត្រៀមខ្លួនជាស្រេច។ មិនមានការធូរស្រាលណាមួយឡើយ។ យើងត្រៀមខ្លួនដោះស្រាយរាល់បញ្ហាប្រឈម។ វាសំខាន់ណាស់ព្រោះស្ថានការណ៍ សន្តិសុខនៅតាមព្រំដែនខាងលិចនិងខាងជើង មិនល្អទេ។
របាយការណ៍ប្រព័ន្ធផ្សព្វផ្សាយឥណ្ឌាបាន លើកឡើងថា ភាគីទាំងសងខាង បានយល់ព្រមផ្តាច់កងទ័ពនៅតាមបណ្តោយ បន្ទាត់នៃការត្រួតពិនិត្យ ជាក់ស្តែង។ កាលពីថ្ងៃពុធអ្នកនាំពាក្យក្រសួងការបរទេស ចិនបាននិយាយថា“ ប្រទេសចិននិងឥណ្ឌា បានធ្វើការប្រាស្រ័យទាក់ទងគ្នាប្រកបដោយ ប្រសិទ្ធភាព តាមរយៈបណ្តាញការទូត និងយោធា ជុំវិញបញ្ហានានាទាក់ទងនឹងវិស័យ ភាគខាងលិចនៃព្រំដែនចិន – ឥណ្ឌា ក្នុងអំឡុងពេលដែលមានការឯកភាពវិជ្ជមាន” ៕ ប្រែសម្រួលៈ ណៃ តុលា
