សេអ៊ូល៖ កូរ៉េខាងជើង បានរិះគន់អគ្គលេខាធិការ អង្គការសហប្រជាជាតិលោក Antonio Guterres ដែលបានសម្តែង ការសោកស្តាយ ចំពោះការសម្រេចចិត្ត របស់កូរ៉េខាងជើង ក្នុងការកាត់ផ្តាច់ បណ្តាញទំនាក់ទំនងអន្តរកូរ៉េ។
យោងតាមអ្នកនាំពាក្យលោក Stephane Dujarric បានឲ្យដឹងថា លោក Guterres បានសម្តែងការសោកស្តាយ ចំពោះការប្រកាស របស់ក្រុងព្យុងយ៉ាង ដោយព្រមានថា បណ្តាញបែបនេះចាំបាច់ ត្រូវការដើម្បីចៀសវាង ការយល់ច្រឡំ ឬការគណនាខុស។
អ្នកនាំពាក្យក្រសួងការបរទេស កូរ៉េខាងជើង ត្រូវបានដកស្រង់សម្តីថា “ ប្រសិនបើអគ្គលេខាធិការពិត ជាមានបំណងចង់បានសន្តិភាព និងស្ថិរភាពនៅឧបទ្វីបកូរ៉េនោះ លោកមិនគួរនិយាយអ្វី ដែលមិនសមហេតុសមផល ដូចជាការសោកស្តាយនោះទេ ប៉ុន្តែបានស្តីបន្ទោសយ៉ាងខ្លាំង ដល់កូរ៉េខាងត្បូង”៕
ដោយ ឈូក បូរ៉ា
