តេហរ៉ង់៖ ទីភ្នាក់ងារព័ត៌មាន ចិនស៊ិនហួ បានចុះផ្សាយនៅ ថ្ងៃទី១ ខែកក្កដា ឆ្នាំ២០២០ ថា លោក Jalal Maleki អ្នកនាំពាក្យ អង្គការពន្លត់ អគ្គីភ័យរបស់ក្រុងតេហរ៉ង់ បានឲ្យដឹងថា យ៉ាងហោចណាស់ មនុស្សចំនួន ១៩នាក់ បានស្លាប់ នៅក្នុង ករណីផ្ទុះដ៏កក្រើកនៅឯគ្លីនិកមួយកន្លែងស្ថិតនៅ ស្រុកភាគខាង ជើងនៃរដ្ឋធានីតេហរ៉ង់ របស់ប្រទេសអ៊ីរ៉ង់ កាលពីថ្ងៃអង្គារម្សិលមិញនេះ ។
លោក Maleki បានប្រាប់ដល់ទីភ្នាក់ងារព័ត៌មាន IRNA បានឲ្យដឹងថា ១៥នាក់ក្នុងចំណោមអ្នកស្លាប់ ជាស្ត្រី និង៤នាក់ជាបុរស ។
គាត់បាននិយាយថា ការផ្ទុះនោះ គឺបង្កឲ្យមនុស្សចំនួន៦នាក់រងរបួស ។
គាត់បានឲ្យដឹងទៀតថា មនុស្ស២០នាក់កំពុងជាប់ក្នុង អគារនៅពេលផ្ទុះនោះដែរ ហើយត្រូវបានជួយសង្គ្រោះដោយក្រុមពន្លត់អគ្គីភ័យ ៕ប្រែសម្រួលដោយ៖ ម៉ៅ បុប្ផាមករា
