វ៉ាស៊ីនតោន៖ ប្រធានាធិបតីសហរដ្ឋអាមេរិកលោក ដូណាល់ ត្រាំ បានលើកឡើងថា កងទ័ពសហរដ្ឋអាមេរិកនៅអាហ្វហ្គានីស្ថាន និងអ៊ីរ៉ាក់ នឹងត្រូវកាត់បន្ថយមកនៅត្រឹម ៤.០០០ នាក់ និង ២០០០ នាក់រៀងៗខ្លួន។
លោក ត្រាំ បានឲ្យដឹងថា “មានការរីកចម្រើនជាច្រើនត្រូវបានធ្វើឡើងនៅក្នុងប្រទេសអាហ្វហ្គានីស្ថាន ប៉ុន្តែយើងនឹងមានចំនួនទាហានរហូតដល់ ៤០០០ នាក់ក្នុងរយៈពេលខ្លីបំផុត។ ដូចគ្នានេះដែរនៅក្នុងប្រទេសអ៊ីរ៉ាក់ យើងនឹងត្រូវកាត់បន្ថយទាហានប្រហែលមកត្រឹម ២.០០០ នាក់ក្នុងរយៈពេលដ៏ខ្លី” ។
លោកបានបន្ថែមថា“ យើងស្ថិតនៅឆ្ងាយពីប្រទេសអ៊ីរ៉ាក់ណាស់ ហើយយើងស្ថិតនៅក្នុងកម្លាំងតូចបំផុត ដែលយើងមាន ហើយយើងនឹងមានចំនួនតិចបំផុត នៅអាហ្វហ្គានីស្ថានផងដែរ” ។
ផែនការកាត់បន្ថយកងទ័ពដែលលោក ត្រាំ បានបង្ហាញ គឺជាជំហានមួយបន្ថែមទៀតជាងផែនការដែលយោធាអាមេរិកបានប្រកាសមួយថ្ងៃមុន។ គួរបញ្ជាក់ថា កងទ័ពអាមេរិក នៅអ៊ីរ៉ាក់មានចំនួន ៥០០០នាក់៕ដោយ ឈូក បូរ៉ា
