ព័ត៌មានអន្តរជាតិ

សហភាពអឺរ៉ុបប្តេជ្ញា ដាក់ទណ្ឌកម្មលើប្រទេស បេឡារុស

បរទេស៖មន្ត្រីការទូតជាន់ខ្ពស់សហភាពអឺរ៉ុប លោក Josep Borrell បាននិយាយនៅថ្ងៃសុក្រនេះថា សហភាពអឺរ៉ុបបានបង្ហាញនូវការខកចិត្តជាខ្លាំង ចំពោះអំពើហិង្សានៅក្នុងប្រទេសបេឡារុស ហើយនឹងដាក់ទណ្ឌកម្មលើបុគ្គលនានា ដែលត្រូវទទួលខុសត្រូវសម្រាប់ការក្លែងបន្លំការបោះឆ្នោត និងការបង្ក្រាបលើការតវ៉ាដោយសន្តិវិធី។ 

ដោយមានបំណងចង់គាំទ្រដល់ការតវ៉ាគាំទ្រលទ្ធិប្រជាធិបតេយ្យ ប្រឆាំងនឹងការគ្រប់គ្រងរយៈពេល២៦ឆ្នាំរបស់លោកប្រធានាធិបតីបេឡារុស Alexander Lukashenko នោះ រដ្ឋមន្ត្រីសហភាពអឺរ៉ុប កំពុងតែពិចារណាដាក់ទណ្ឌកម្ម លើមន្ត្រីបេឡារុសជាន់ខ្ពស់នានា ក្រោយការបោះឆ្នោតកាលពីថ្ងៃទី០៩ ខែសីហា ដែលលោកខាងលិចនិយាយថា មានការក្លែងបន្លំ។

នៅក្នុងសេចក្តីថ្លែងការណ៍មួយ លោក Josep Borrell  បានមានប្រសាសន៍យ៉ាងដូច្នេះថា  “សហភាពអឺរ៉ុបលើកឡើងដដែលៗ ពីការប្តេជ្ញារបស់ខ្លួន ក្នុងការដាក់ទណ្ឌកម្មលើបុគ្គលនានា ដែលត្រូវទទួលខុសត្រូវចំពោះអំពើហិង្សា ការបង្ក្រាបលើការតវ៉ាដោយសន្តិវិធី និងការក្លែងបន្លំសន្លឹកឆ្នោត”៕ ប្រែសម្រួល៖ប៉ាង កុង 

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top