ព័ត៌មានអន្តរជាតិ

អាមេរិកព្យាយាម បន្ថយការនាំចូល អ៊ុយរ៉ានីញ៉ូមរុស្ស៊ីដើម្បីជំរុញបង្កើន សន្ទុះ ឧស្សាហកម្មនុយក្លេអ៊ែ អាមេរិក

បរទេស៖ក្រសួងពាណិជ្ជកម្មសហរដ្ឋអាមេរិក នៅថ្ងៃចន្ទសប្ដាហ៍នេះ បានចុះហត្ថលេខាលើកិច្ចព្រមព្រៀងព្រាងមួយ ជាមួយក្រុមហ៊ុនថាមពលនុយក្លេអ៊ែរដ្ឋរបស់រុស្ស៊ី កាត់បន្ថយការនាំចូលសារធាតុអ៊ុយរ៉ានីញ៉ូមពីប្រទេសរុស្ស៊ី ក្នុងរយៈពេល២០ក្រោយ ក្នុងគោលបំណងមួយដើម្បីជំរុញបង្កើនរករ៉ែនិងថាមពលនុយក្លេអ៊ែក្នុងស្រុក។

ក្រសួងពាណិជ្ជកម្មអាមេរិកនិងក្រុមហ៊ុន Rosatom បានបង្កើតសេចក្តីព្រាងវិសោធនកម្ម ចំពោះកិច្ចព្រមព្រៀងព្យួរទុករុស្ស៊ីឆ្នាំ១៩៩២ ដើម្បីទប់ស្កាត់មិនឲ្យបោះបង់ចោល ដោយនៅបន្តកិច្ចព្រមព្រៀងនោះឲ្យដល់ឆ្នាំ២០៤០ ហយកាត់បន្ថយបន្តិចម្តងៗ នូវចំនួនសារធាតុអ៊ុយរ៉ានីញ៉ូមដែលសហរដ្ឋអាមេរិកនាំមកពីរុស្ស៊ីសម្រាប់ចម្រាម ពី២០ភាគរយឲ្យនៅតែ១៥ភាគរយ ចាប់ផ្តើមពីឆ្នាំ២០២៨ទៅ។

រដ្ឋមន្ត្រីពាណិជ្ជកម្មសហរដ្ឋអាមេរិក លោក Wilbur Ross បានមានប្រសាសន៍យ៉ាងដូច្នេះថា “ប្រសិនបើសម្រេចចប់សព្វគ្រប់នោះ វានឹងចូលរួមចំណែកចំពោះការស្តារឡើងវិញ នូវអត្ថប្រយោជន៍ថាមពលនុយក្លេអ៊ែរបស់អាមេរិក និងការពារឧស្សាហកម្មក្នុងស្រុក ពីសារធាតុអ៊ុយរ៉ានីញ៉ូមដែលគេបោះចោលរបស់រុស្ស៊ី”៕

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top