ព័ត៌មានអន្តរជាតិ

រដ្ឋមន្ត្រីសហភាពអារ៉ាប់រួម និងអ៊ីស្រាអែល ពិភាក្សាគ្នាពីសហប្រតិបត្តិការ ផ្នែកថាមពលនិងបច្ចេកវិទ្យា

បរទេស៖ រដ្ឋមន្ត្រី របស់សហភាពអារ៉ាប់រួម ទទួលបន្ទុកឧស្សាហកម្ម និងបច្ចេកវិទ្យាទំនើប និងជាប្រធាន ក្រុមហ៊ុនប្រេងជាតិអាប៊ូដាប៊ី ហៅកាត់ថា ADNOC បានជួបជាមួយ រដ្ឋមន្ត្រីអ៊ីស្រាអែលនានា ដែលទទួលបន្ទុកក្នុងវិស័យថាមពល សេដ្ឋកិច្ចនិងឧស្សាហកម្ម។

ក្រុមហ៊ុនរដ្ឋ Abu Dhabi National Oil Company របស់សហភាពអារ៉ាប់រួម បាននិយាយនៅក្នុងសារបង្ហោះ លើបណ្ដាញសង្គមធ្វីតធ័រ កាលពីថ្ងៃអង្គារថា លោក Sultan al-Jaber បានធ្វើកិច្ចពិភាក្សាគ្នា ជាមួយរដ្ឋមន្ត្រីអ៊ីស្រាអែលនានា ស្តីពីឱកាសសហប្រតិបត្តិការ ក្នុងវិស័យថាមពល បច្ចេកវិទ្យានិងឧស្សាហកម្ម។

យោងតាមសេចក្តីរាយការណ៍មួយ ចេញផ្សាយដោយទីភ្នាក់ងារសារព័ត៌មាន Us News នៅថ្ងៃទី៣០ ខែកញ្ញា ឆ្នាំ២០២០ បានឲ្យដឹងថា ប្រទេសអ៊ីស្រាអែល និងប្រទេសសហភាពអារ៉ាប់រួម បានចុះហត្ថលេខា លើកិច្ចព្រមព្រៀងមួយ កាលពីថ្ងៃទី១៥ ខែកញ្ញានេះ ដើម្បីបង្កើតចំណងមិត្តភាពការទូត៕ ប្រែសម្រួល៖ប៉ាង កុង

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top