ព័ត៌មានអន្តរជាតិ

អាមេរិក បញ្ជូនអ្នកការទូតកំពូលទៅកូរ៉េខាងត្បូង ខណៈក្រុងសេអ៊ូល ស្នើបញ្ចប់សង្គ្រាមកូរ៉េ

វ៉ាស៊ីនតោន៖ ក្រសួងការបរទេសសហរដ្ឋអាមេរិកបានឲ្យដឹងថា រដ្ឋមន្រ្តីការបរទេសសហរដ្ឋអាមេរិកលោក Mike Pompeo នឹងធ្វើទស្សនកិច្ច នៅប្រទេសកូរ៉េខាងត្បូង នៅសប្តាហ៍ក្រោយ ដើម្បីពិភាក្សាជាមួយមន្រ្តីជាន់ខ្ពស់នៅទីនោះ។

ដំណើរទស្សនកិច្ចដែលបានគ្រោងទុករបស់លោកធ្វើឡើង បន្ទាប់ពីប្រធានាធិបតីកូរ៉េខាងត្បូងលោក មូន ជេអ៊ីន បានស្នើឱ្យប្រកាស បញ្ចប់សង្គ្រាមកូរ៉េ ជាមធ្យោបាយមួយដើម្បីនាំកូរ៉េខាងជើង ត្រឡប់ទៅតុពិភាក្សាវិញជុំវិញ ដំណើរការដកហូតនុយក្លេអ៊ែររបស់ខ្លួន។

នេះគឺជាផ្នែកមួយនៃដំណើរទស្សនកិច្ច ៣ប្រទេសរបស់លោក ដែលនឹងចាប់ផ្តើមនៅថ្ងៃអាទិត្យនេះ នេះបើយោងតាមនាយកដ្ឋានរដ្ឋ។

គួរបញ្ជាក់ថា ដំបូងលោកនឹងធ្វើដំណើរទៅកាន់ទីក្រុងតូក្យូ ជាកន្លែងដែលលោកនឹងជួបជាមួយសមភាគីរបស់លោកមកពីអូស្ត្រាលី ឥណ្ឌា និងជប៉ុន នៅក្នុងវេទិកាបួនផ្លូវ ដែលគេស្គាល់ថា Quad៕

ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top